اسلام آباد (پی این آئی) اسلام آباد کی عدالت نے سابق وزیراعظم عمران خان فوجداری کارروائی کیلئے الیکشن کمیشن کی درخواست منظور کرلی گئی۔ اسلام آباد کی ضلعی عدالتوں میں ایڈیشنل سیشن جج ظفر اقبال نے تحریری فیصلہ جاری کر دیا۔ تحریری فیصلے میں کہا گیا ہے کہ عمران خان کی جانب سے اثاثوں میں توشہ خانہ تحائف چھپائے گئے، بادی النظر میں عمران خان کا جمع کروایا گیا ڈکلیئریشن غلط ہے۔ فیصلے میں کہا گیا کہ بادی النظر میں عمران خان نے گوشواروں میں تحائف کی تفصیلات ظاہر نہیں کیں،
بادی النظر میں عمران خان نے تحفوں کی فروخت سے حاصل رقم کی تفصیلات بھی ظاہر نہیں کیں۔ فیصلے میں کہا گیا ہے کہ بادی النظر میں عمران خان الیکشن ایکٹ کی دفعہ 174 کی خلاف ورزی کے مرتکب ہوئے، عمران خان کے خلاف شکایت کو باقاعدہ سماعت کیلئے منظور کیا جاتا ہے۔ عدالت نے تحریری فیصلے میں کہا گیا ہے کہ عمران خان 9جنوری کو ٹرائل کیلئے ذاتی حیثیت میں پیش ہو کر اپنا مؤقف پیش کریں۔۔۔۔۔
