کراچی (پی این آئی) کراچی شہر کے علاقے گبول ٹاؤن میں فائرنگ کے نتیجے میں تین سگے بھائی جاں بحق ہو گئے ہیں۔ اس حوالے سے ریسکیو ذرائع کا کہنا ہے کہ فائرنگ کا واقعہ نیو کراچی گبول ٹاﺅن کے قریب پیش آیا ہے، جس میں 3 بھائی زندگی ءسے ہاتھ دھو بیٹھے ہیں۔ اس حوالے سے کراچی پولیس کا کہنا ہے کہ وقوعہ سے نائن ایم ایم کے 14 اور 30 بور کے 12 خول ملے ہیں۔
پولیس حکام کا کہنا ہے کہ ابتدائی تحقیقات میں واقعہ ذاتی دشمنی کا معلوم ہوتا ہے۔پولیس کا کہنا یہ بھی ہے کہ تینوں بھائی چوکیدار ہیں جن پر 6 سے 7 ملزمان نے فائرنگ کی، جس سے وہ موقع پر ہی جاں بحق ہو گئے۔ مزید تفتیش جاری ہے۔۔۔۔
تازہ ترین خبروں کے لیے پی این آئی کا فیس بک پیج فالو کریں
