اسلام آباد (پی این آئی) وزیر اعظم عمران خان کی ٹیم کے اہم رکن نے امریکی صدر جوبائیڈن تک رسائی حاصل کر کے ان سے گفتگو بھی کر لی، اس حوالے سے ٹویٹر پر اہنے پیغام میں وزیراعظم عمران خان کے مشیر برائے ماحولیاتی تبدیلی ملک امین اسلم کا کہنا ہے کہ انہوںنے اسکاٹ لینڈ میں امریکی صدر جو بائیڈن سے ملاقات کی ہے۔
امریکی صدر جوبائیڈن کے ساتھ اپنی تصویر شیئر کرتے ہوئےملک امین اسلم کا کہنا ہے کہ صدر بائیڈن سے بات چیت کر کے خوشی ہوئی، انہوں نے ’’گلوبل میتھین پلیج‘‘ معاہدے میں پاکستان کے پہلے ایشیائی ملک کی حیثیت سے شمولیت پر وزیراعظم عمران خان کا شکریہ ادا کیا۔وزیر اعظم عمران خان کے مشیر برائے ماحولیاتی تبدیلی نے امریکی صدر سے ہونے والی ملاقات اور گفتگو کی تصاویر بھی ٹوئٹر اکاؤنٹ پر شیئر کی ہیں۔۔۔۔۔
تازہ ترین خبروں کے لیے پی این آئی کا فیس بک پیج فالو کریں
