لاہور(آئی این پی)وفاقی وزیر داخلہ شیخ رشید نے کہا کہ شہباز شریف جو مفاہمت کی بات کرتے ہیں مریم اس پر جھاڑو پھیر دیتی ہیں، یہ اداروں کیخلاف غیر ذمہ دارانہ قسم کے بیان دے رہی ہیں، ن لیگ جہاں کھڑی ہے اس کی ذمہ دار بھی یہ ہیں،مریم نواز کے اداروں کیخلاف بیانات غیر ذمہ دارانہ ہیں، کل ان کی سیاست ختم ہوئی تو مریم نواز ذمہ دار ہوں گی، پنڈورا لیکس میں جو بھی مجرم قرار پایا وہ سزا کا مستحق ہوگا، آئندہ
انتخابات میں نئے اتحاد بنتے نظر آ رہے ہیں، جمعرات کو پریس کانفرنس سے خطاب کرتے ہوئے انہوں نے کہا کہ مرے ہوئے لوگوں کی ویکسی نیشن کی خبریں آ رہی ہیں، کورونا ویکسی نیشن کو منصوبہ بندی کے تحت بدنام کیا جا رہا ہے، این سی او سی کو دنیا بھر میں کارکردگی کے باعث پذیرائی حاصل ہے،شیخ رشید کا کہنا تھا کہ افغانستان کا استحکام پاکستان کا استحکام ہے، پاکستان کسی بھی دبائو میں آئے بغیر افغانستان کی امداد جاری رکھے گا، انہوں نے کہا کہ جتنی سکیورٹی نیوزی لینڈ ٹیم کو فراہم کی اتنی ان کی فوج نہیں، ثابت ہوگیا دورہ نیوزی لینڈ منسوخی میں بھارت ملوث تھا۔
تازہ ترین خبروں کے لیے پی این آئی کا فیس بک پیج فالو کریں
