اسلام آباد (آئی این پی ) پاکستان ڈیمو کریٹک الائنس کے سربراہ مولانا فضل الرحمان آج منگل کو اہم پریس کانفرنس سے خطاب کرینگے ، ذرائع کے مطابق آج منگل کو اسلام آباد میں مولانا فضل الرحمان کی رہائش گاہ پر پی ڈی ایم میں شامل جماعتوں کا اجلاس ہوگا جس میں آئندہ کی حکمت عملی طے کی جائے گی اس سلسلے میں اس بات کا قوی امکان ہے کہ پیپلز پارٹی کی جانب سے شوکاز نوٹس کا جواب نہ دیئے جانے اور اس کے بعد پیپلز پارٹی کو اتحاد میں شامل
رکھنے یا نہ رکھنے کے بارے میں بھی فیصلہ کیا جائے گا ۔ ذرائع کے مطابق مولانا فضل الرحمان اجلاس کے بعد پریس کانفرنس سے خطاب بھی کرینگے جس میں میڈیا کو اجلاس میں کیے گئے فیصلوں کے حوالے سے بریفنگ بھی دینگے ۔ ۔۔۔ چاند پر رہنے والے عید کیسے منائیں گے؟ فواد چوہدری نے نئے دور کا مسئلہ بتا دیا اسلام آباد (پی این آئی) وفاقی دارلحکومت اسلام آباد میں پاکستان کی پہلی خلائی مشاہدہ گاہ کا سنگ بنیاد رکھ دیا گیا ۔ پاکستان کی پہلی اسپیس آبزرویٹری کے سنگ بنیاد کی تقریب کا انعقاد کیا گیا ، تقریب میں وزیرسائنس وٹیکنالوجی فواد چوہدری اور چیئرمین رویت ہلال کمیٹی ودیگرکی شرکت کی جبکہ رویت ہلال کمیٹی کے اراکین، سائنسدان اور اسپیس ٹیکنالوجی کے ماہرین بھی شریک ہوئے۔اس حوالے سے وفاقی وزیر برائے سائنس و ٹیکنالوجی فواد چوہدری نے کہا کہ اب چاند دیکھنا مسئلہ نہیں، مسئلہ یہ ہے جو لوگ چاند پر رہیں گے وہ عید کیسے منائیں گے۔ تقریب سے خطاب کرتے ہوئے وفاقی وزیر فواد چوہدری نے کہا کہ گوادر، کراچی پشاورمیں آبزرویٹری بنا رہے ہیں، شروع سے انسان کی توجہ سورج ، چاند اور ستاروں پر رہی اور راستے کی تلاش کے لیے ستاروں سے مدد لی جاتی تھی۔مسلمان سائنسدانوں کے دل کے قریب فلکیات رہا اور مسلمان بادشاہوں نے ماہرین فلکیات کو بڑی جگہ دی، علامہ اقبال نے کہا تھا ستاروں سے آگے جہاں اور بھی ہیں۔ فواد چوہدری نے کہا کہ ہم نے پاکستان کو ماڈرن اسلامی طور پر قائم کیا، 1960ء کی دہائی میں ہم نےاپنا اسپیس پروگرام شروع کیا، ہم نے راستے میں اپنی منزل کھو دی فواد چوہدری نے کہا کہ پہلا اسپیس مشن بھیجنے والا منصوبہ جانے کدھرگیا، اسپارکو کا کردارنظرنہیں آ رہا، اسپارکو کو وزارت سائنس کے ماتحت کیا جائے، اسپارکو کو وزارت کےماتحت نہ کیا گیا توسول اسپیس پروگرام شروع کریں گے۔وزارت سائنس وٹیکنالوجی کے زیراہتمام خلائی مشاہدہ گاہ کا سنگ بنیاد رکھنے کی تقریب سے خطاب کرتے ہوئے چیئرمین رویت ہلال کمیٹی
مولانا عبدالخبیر نے کہا کہ ایک عظیم کام کی بنیاد یہاں رکھی جارہی ہے۔ انہوں نے کہا کہ خلائی مشاہدہ گاہ کی مدد سے رویت ہلال کمیٹی کوبہت تعاون ملے گا، فواد چوہدری نےکہا تھا وہ رویت ہلال کمیٹی سے ہر قسم کا تکنیکی تعاون کریں گے۔ مولانا عبدالخبیر نے کہا کہ ہم کوشش کررہے ہیں کہ ملک میں روزہ اور عید متفقہ طور پر ہو، مدینے کی ریاست بنانے میں ہم سب کو چاہئیے مل کر اپنا کردار ادا کریں۔
