آخری رکاوٹ بھی دور، وفاقی کابینہ نے سرکاری ملازمین کی تنخواہوں میں اضافے کی منظوری دے دی

اسلام آباد(آن لائن)وفاقی کابینہ نے وفاقی ملازمین کو ایڈہاک الاؤنس دینے کی منظوری دیدی، گریڈ 1 سے 19 تک کے ملازمین کو ڈسپیریٹی ریڈکشن الاونس ملے گا، این اے 221 تھرپارکر کے ضمنی الیکشن کیلئے رینجرز تعیناتی کی منظوری بھی دیدی گئی جبکہ این ٹی ڈی سی کے ایم ڈی کی تعیناتی کی منظوری مؤخر

کردی گئی ہے۔تفصیلات کے مطابق وزیراعظم عمران خان کی زیرصدارت وفاقی کابینہ کا اجلاس بد ھ کے روز منعقدہوا، اجلاس میں سینیٹ انتخابات، تنخواہوں اور الاونسز کے معاملات اور ایجنڈا پر غور ہوا۔وزراء نے سینیٹ انتخابات پر اپنی اپنی تجا یز پیش کیں۔اجلاس میں ملکی سیاسی اور معاشی صورتحال پر بھی غور ہوا جبکہ ملک میں عالمی وبا کرونا کی صورت حال کا تفصیلی جائزہ لیا گیا۔ذرائع کے مطابق کابینہ نے وفاقی ملازمین کو ایڈہاک الاؤنس دینے کی منظوری دیدی۔کابینہ نے فیصلہ کیا کہ گریڈ 1 سے 19 تک کے ملازمین کو ڈسپیریٹی ریڈکشن الاؤنس ملے گا۔ڈسپیریٹی ریڈکشن الاؤنس 25 فیصد ہوگا،گریڈ 20 سے 22 کے افسرون کی تنخواہیں بجٹ میں بڑھیں گی۔ذرائع کے مطابق وفاقی ملازمین کی تنخواہوں میں اضافے کی سمری پر بعض وزراء کی جانب سے اعتراض کیا گیا،وزراء نے رائے دی کہ تنخواہوں میں اضافے سے خزانے پر بوجھ پڑے گا۔اجلاس میں حکام نے وزیراعظم کو فرنٹ لائن طبی عملے کی ویکسینیشن میں پیش رفت سے آگاہ کیا۔اجلاس میں سول ایوی ایشن رولز کے تحت بورڈ آف ریونیو کی تشکیل کی منظوری دی گئی۔ذرائع کے مطابق اجلاس میں وفاقی کابینہ نے صدر کراچی کی اراضی پر ایف ایس ٹی دفتر تعمیر کرنیکی اجازت دیدی، پاکستان انسٹیٹیوٹ آف مینجمنٹ بورڈ آف گورنرز کی تشکیل نو کی منظوری دی گئی۔ ذرائع کا کہنا ہے کہ وفاقی کابینہ

نے این ٹی ڈی سی کے ایم ڈی کی تعیناتی کی منظوری کو موخر کیا جبکہ کمیٹی برائے ادارہ جاتی اصلاحات کے گزشتہ اجلاس کے فیصلوں کی توثیق کی۔ذرائع کا کہنا ہے کہ وفاقی کابینہ نے این اے 221 تھرپارکر کے ضمنی الیکشن کیلئیرینجرز تعیناتی کی منظوری دے دی۔ الیکشن کمیشن آف پاکستان کے مطابق این اے 221 میں ضمنی انتخاب 21 فروری کو ہونگے۔۔۔۔۔