اسلام آباد (پی این آئی) سہارا فار لائف ٹرسٹ کے چیئرمین ابرار الحق نے اسلام آباد چیمبر آف کامرس اینڈ انڈسٹری کا دورہ کیا اور تاجر برادری کو نارووال میں ایک کینسر ہسپتال بنانے کے منصوبے سے آگاہ کیا۔ انہوں نے کہا کہ اس منصوبے پر تقریبا ایک ارب روپے کی لاگت متوقع ہے لہذا انہوں نے اس بات پر زور دیا
کہ تاجر برادری اس منصوبے کی تکمیل میں ان کے ساتھ تعاون کرے۔انہوں نے کہا کہ ملک میں کینسر کے مریضوں کی تعداد بڑھتی جا رہی ہے لیکن ہسپتال کم ہیں جس وجہ سے مریضوں کا مشکلات کا سامنا کرنا پڑتا ہے لہذا انہوں نے یہ فیصلہ کیا کہ نارووال جیسے پسماندہ علاقے میں ایک جدید طرر کا کینسر ہسپتال بنایا جائے تا کہ لوگوں کو علاج معالجے کی بہتر سہولت دستیا ب ہو۔انہوں نے کہا کہ کینسر کا علاج کرنے والی ایک مشین تقریبا 25لاکھ ڈالر کی ملتی ہے جبکہ ان کو ہسپتال کیلئے ایسی دو مشینوں کی ضرورت ہے۔انہوں نے کہا کہ ایک مخصوص رقم دینے پر ہسپتال کے کمرے اور وارڈ عطیات دینے والوں کے نام کئے جائیں گے۔ صغرا شفی ہسپتال کے بارے میں اپنے خیالات کا اظہار کرتے ہوئے انہوں نے کہا کہ یہ ہسپتال اب تک چالیس لاکھ سے زائد مریضوں کا علاج کر چکا ہے ۔ انہوں نے اس عزم کا اظہار کیا کہ اللہ تعالیٰ نے چاہا تو وہ عوام کے تعاون سے کینسر ہسپتال کی تعمیر کو مکمل کر کے عوام کو کینسر کے موضی مرض کیلئے ایک بہتر علاج معالجے کی سہولت فراہم کرنے کے قابل ہوں گے۔اسلام آباد چیمبر آف کامرس اینڈ انڈسٹری کے صدر محمد احمد وحید نے اس موقع پر اپنے خیالات کا اظہار کرتے ہوئے کہا کہ چیمبر تاجر برادری کے مفادات کے تحفظ کیلئے کام کرنے کے ساتھ ساتھ فلاحی کاموں میں بھی بڑھ چڑھ کر حصہ لیتا ہے۔ انہوں نے یقین دہانی کرائی کہ چیمبر تاجروصنعتکار برادری کے تعاون سے کینسر ہسپتال کی تعمیر کیلئے ایک خطیر رقم جمع کر کے ابرار الحق کو دے گا۔انہوں نے دکھی انسانیت کیلئے نارووال میں ہسپتال ، میڈیکل کالج اور اب کینسر ہسپتال تعمیر کرنے کیلئے ابرار الحق کی خدمات کو خراج تحسین پیش کیا اور اس بات پر زور دیا کہ تاجر برادری سمیت معاشرے کے تمام طبقات اس نیک مشن میں ان کا بھرپور ساتھ دیں۔ فائونڈر گروپ کے چیئرمین میاں اکرم فرید نے اپنے خطاب میں کہا کہ چیمبر اپنے ممبران کے تعاون سے کینسر ہسپتال کی تعمیر کیلئے ابرار الحق کے ساتھ بھرپور تعاون کرے گا۔اسلام آباد چیمبر آف کامرس اینڈ انڈسٹری کے سینئر نائب صدر طاہر عباسی اور نائب صدر سیف الرحمٰن خان نے بھی ابرار الحق کو یقین دہانی کرائی کہ چیمبر اس نیک مقصد میں ان کے ساتھ کھڑا ہے۔محمد اسلم کھوکھر، خالد چوہدری، میاں عارف، طاہر ایوب، سہیل سیٹھی اور دیگر نے بھی اپنے خیالات کا اظہار کیا اور کینسر ہسپتال کی تعمیر میں ابرار الحق کو بھرپور تعاون کی یقین دہانی کرائی۔
پاکستان نیوز انٹرنیشنل (پی این آئی) قابل اعتبار خبروں کا بین الاقوامی ادارہ ہے جو 23 مارچ 2018 کو برطانیہ کے دارالحکومت لندن میں قائم کیا گیا، تھوڑے عرصے میں پی این آئی نے دنیا بھر میں اردو پڑہنے، لکھنے اور بولنے والے قارئین میں اپنی جگہ بنا لی، پی این آئی کا انتظام اردو صحافت کے سینئر صحافیوں کے ہاتھ میں ہے، ان کے ساتھ ایک پروفیشنل اور محنتی ٹیم ہے جو 24 گھنٹے آپ کو باخبر رکھنے کے لیے متحرک رہتی ہے، پی این آئی کا موٹو درست اور بروقت اور جامع خبر ہے، پی این آئی کے قارئین کے لیے خبریں، تصاویر اور ویڈیوز انتہائی احتیاط کے ساتھ منتخب کی جاتی ہیں، خبروں کے متن میں ایسے الفاظ کے استعمال سے اجتناب برتا جاتا ہے جو نا مناسب ہوں اور جو آپ کی طبیعت پر گراں گذریں، پی این آئی کا مقصد آپ تک ہر واقعہ کی خبر پہنچانا، اس کے پیش منظر اور پس منظر سے بر وقت آگاہ کرنا اور پھر اس کے فالو اپ پر نظر رکھنا ہے تا کہ آپ کو حالات حاضرہ سے صرف آگاہی نہیں بلکہ مکمل آگاہی حاصل ہو، آپ بھی پی این آئی کا دست و بازو بنیں، اس کا پیج لائیک کریں، اس کی خبریں، تصویریں اپنے دوستوں اور رابطہ کاروں میں شیئر کریں، اللہ آپ کا حامی و ناصر ہو، ایڈیٹر
تازہ ترین خبروں کے لیے پی این آئی کا فیس بک پیج فالو کریں
