اسلام آباد(پی این آئی)نیشنل الیکٹرک پاور ریگولیٹری اتھارٹی (نیپرا) نے ملک بھر کے لیے بجلی سستی جبکہ کراچی کے لیے مہنگی کرنے کی منظوری دے دی ہے۔ نیپرا کی جانب سے شہر قائد کے بجلی صارفین کے لیے بجلی چھپن پیسے فی یونٹ مہنگی اور باقی کمپنیوں کے لیے چھ پیسے فی یونٹ سستی کردی گئی ہے۔
نیپرا نے کے الیکڑک اور سرکاری بجلی کمپنیوں کی فروری کی فیول ایڈجسٹمنٹ کی درخواستوں پر الگ الگ سماعتیں کیں، سماعت کے دوران نیپرا حکام نے بتایاکہ فروری میں کے الیکڑک نے اپنے وسائل سے 48 روپے 55 فی یونٹ بجلی پیدا کی جبکہ وفاق سے ملنے والی بجلی کی قیمت 9.05 روپے فی یونٹ رہی،نیپرا نے سماعت کے بعد بجلی مہنگی کرنے کی مںظوری دے دی تاہم اتھارٹی تفصیلی فیصلہ بعد میں جاری کرے گی۔ سرکاری بجلی کمپنیوں کی درخواست پر سماعت کے دوران نیپرا حکام نے بتایاکہ فروری میں میرٹ آرڈر کی خلاف ورزی سے 6 ارب 55 کروڑ روپے لا اضافی بوجھ پڑا، ٹرانسمیشن لائن کے مسائل کی وجہ سے 5 ارب 6 کروڑ 90 لاکھ روپے کا اضافی بوجھ پڑا۔
تازہ ترین خبروں کے لیے پی این آئی کا فیس بک پیج فالو کریں
