سابق آسٹریلوی کرکٹر ڈیمین مارٹن کو تشویشناک حالت کے باعث برسبین کے اسپتال میں داخل کر لیا گیا ہے۔ غیر ملکی میڈیا کے مطابق 54 سالہ ڈیمین مارٹن، جو 2003 کا ورلڈ کپ جیتنے والی ٹیم کا حصہ تھے، گردن توڑ بخار میں مبتلا ہیں اور اس وقت کوما کی حالت میں ہیں۔ بتایا گیا ہے کہ وہ کرسمس ڈے کے موقع پر شدید بیمار ہونے کی وجہ سے اچانک گر پڑے تھے۔
کرکٹ آسٹریلیا اور کرکٹرز نے ڈیمین مارٹن کے اچانک بیمار ہونے پر گہری تشویش کا اظہار کیا ہے۔ چیف ایگزیکٹو کرکٹ آسٹریلیا ٹوڈ گرین برگ نے ان کی بیماری پر افسوس کا اظہار کیا، جبکہ سابق وکٹ کیپر بیٹر ایڈم گلکرسٹ کا کہنا ہے کہ برسبین کے اسپتال میں ڈیمین مارٹن کو علاج کی بہترین سہولیات فراہم کی جا رہی ہیں۔
ڈیمین مارٹن نے اپنے کیریئر کے دوران 67 ٹیسٹ، 208 ون ڈے اور 4 ٹی ٹوئنٹی میچز میں آسٹریلیا کی نمائندگی کی ہے۔ اس خبر کے ساتھ ہی یہ اطلاع بھی دی گئی ہے کہ ڈالر کی قیمت میں معمولی کمی ریکارڈ کی گئی ہے۔
تازہ ترین خبروں کے لیے پی این آئی کا فیس بک پیج فالو کریں
