پاکستان سپورٹس بورڈ (PSB) نے ایشین چیمپئن شپ میں تاریخی کامیابی حاصل کرنے والی انڈر-16 والی بال ٹیم کو 82 لاکھ روپے کے کیش ایوارڈ سے نوازنے کا اعلان کیا ہے۔
ترجمان پی ایس بی کے مطابق ہر کھلاڑی کو 6 لاکھ روپے جبکہ کوچنگ اسٹاف کو مجموعی طور پر 10 لاکھ روپے دیے جائیں گے۔ اس طرح 12 رکنی اسکواڈ کو مجموعی طور پر 72 لاکھ روپے اور کوچنگ عملے کو ٹیم ایوارڈ کا 50 فیصد حصہ ملے گا، جو پی ایس بی کی موجودہ ایوارڈ پالیسی کے مطابق ہے۔
یہ انعام ایشین چیمپئن شپ کے فائنل میں ایران کو 2-3 سے شکست دینے اور ٹورنامنٹ میں ناقابلِ شکست رہنے پر دیا جا رہا ہے۔ ترجمان نے مزید بتایا کہ کھلاڑیوں اور کوچز کو یہ انعامی رقم آئندہ چند دنوں میں ادا کر دی جائے گی۔
پی ایس بی کیش ایوارڈ پالیسی 2024 کے تحت براعظمی ٹیم ایونٹس میں گولڈ میڈلسٹ کھلاڑیوں کو انفرادی طور پر انعام کا 30 فیصد حصہ دیا جاتا ہے، جس کے تحت یہ رقم مختص کی گئی ہے۔
تازہ ترین خبروں کے لیے پی این آئی کا فیس بک پیج فالو کریں
