عالمی اور مقامی مارکیٹوں میں سونے کی قیمتوں میں آج دوسرے روز بھی مزید اضافہ ہوگیا۔
عالمی قیمتی دھاتوں کی مارکیٹ میں بے یقینی کی صورتحال برقرار رہنے اور بین الاقوامی بلین مارکیٹ میں فی اونس سونے کی قیمت مزید ایک ڈالر کے اضافہ سے 2 ہزار 904 ڈالر کی بلند ترین سطح پر پہنچ گئی۔رپورٹ کے مطابق اس اضافے کے باعث مقامی صرافہ مارکیٹوں میں منگل کو بھی 24 قیراط کے حامل فی تولہ سونے کی قیمت میں اضافہ ہوا۔
100روپے کے اضافے سے 3لاکھ 3 ہزار 100روپے کی نئی تاریخ ساز سطح پر پہنچ گئی اور دس گرام سونے کی قیمت بھی 86 روپے اضافہ سے 2لاکھ 59 ہزار 859 روپے کی نئی بلند ترین سطح پر آگئی ہے۔اس کے برعکس فی تولہ چاندی کی قیمت 61روپے کی کمی سے 3312 روپے اور دس گرام چاندی کی قیمت 52روپے کی کمی سے 2839 روپے کی سطح پر آگئی۔
تازہ ترین خبروں کے لیے پی این آئی کا فیس بک پیج فالو کریں
