لاہور(پی این آئی) ہنڈا سی ڈی 70سی سی اپنی کفایت شعاری کی وجہ سے پاکستان کی پسندیدہ موٹرسائیکل ہے تاہم مہنگائی کے طوفان میں اس کی قیمت بھی بڑھ کر 1لاکھ 57ہزار 900روپے ہو چکی ہے۔
ڈیلی پاکستان گلوبل کے مطابق ہنڈا سی ڈی 70سی سی کے خریدار، جو بینک الفلاح کے بھی صارف ہیں، ان کے لیے خوشخبری ہے کہ وہ یہ موٹرسائیکل صفر شرح سود پر آسان اقساط میں بھی حاصل کر سکتے ہیں۔ رپورٹ کے مطابق بینک الفلاح کی طرف سے اپنے کسٹمرز کو آفر دی جا رہی ہے، جس میں وہ صفر شرح سود پر 3اور 6ماہ کی اقساط میں ہنڈا سی ڈی 70سی سی حاصل کر سکتے ہیں۔تین ماہ کے اقساط پلان میں بینک الفلاح کے کسٹمرز کو ماہانہ 52ہزار 633روپے اورچھ ماہ کے اقساط پلان میں ماہانہ 26ہزار 317روپے قسط ادا کرنی ہو گی۔ تین ماہ کے پلان کے ساتھ بینک کی طرف سے 2.5فیصد اور چھ ماہ کے پلان میں 5فیصد پراسیسنگ فیس وصول کی جائے گی۔
تازہ ترین خبروں کے لیے پی این آئی کا فیس بک پیج فالو کریں
