عمران خان کے خلاف شواہد موجود ہیں، مقدمہ فوجی عدالت میں چلے گا، رانا ثنا اللہ کا اعلان

اسلام آباد(آئی این پی)مسلم لیگ (ن) کے مرکزی رہنما اور وزیر داخلہ رانا ثنا اللہ نے کہا ہے کہ چیئرمین پی ٹی آئی کے حوالے سے شواہد موجود ہیں، دفاعی تنصیبات پر حملوں کا مقدمہ آرمی ایکٹ کے تحت فوجی عدالت میں چلے گا۔نجی ٹی وی کے پروگرام میں گفتگو کرتے ہوئے وزیر داخلہ رانا ثنا اللہ نے کہا کہ جے آئی ٹی میں چیئرمین پی ٹی آئی پیش ہوئے تھے جہاں سوال جواب ہوئے، جے آئی ٹی کیسوال جواب کوئی خفیہ دستاویزات نہیں،

چیئرمین پی ٹی آئی نے جواب دینے کے بعد دستخط بھی کیے، چیئرمین پی ٹی آئی نے کہا ان کے پاس شواہد نہیں، انہیں کسی نے بتایا تھا۔انہوں نے کہا کہ وزیر آباد حملے میں ایک ہی بندہ تھا جس نے فائر کیا، پولیس انویسٹی گیشن پبلک ڈاکیومنٹ ہے، کوئی بھی وکیل حاصل کرسکتا ہے، اگر چیئرمین پی ٹی آئی کے پاس کوئی گواہ ہے تو بیان تو دیں، ملزم کے بیان کے بعد آج تک یہ کانٹر بیان نہیں دلوا سکے۔وزیر داخلہ نے کہا کہ ملزم نے 20 ہزار کا پسٹل خریدا اور پسٹل بیچنے والا بھی پکڑا گیا، ملزم نوید بالکل صیح ملزم ہے، ملزم نوید کے فون کی فورنزک بھی موجود ہے، ملزم نوید نے اپنے طور پر فائر کیا، ملزم نوید کے علاوہ اگر ان کے پاس کوئی ثبوت ہوتے تو پیش کرتے۔رانا ثنا اللہ نے کہا کہ فوجی تنصیبات پر حملے کے کیسز انسداد دہشت گردی عدالت میں چلیں گے، جناح ہاؤس جلا گھیرا کے معاملے پر دو طرح کی انویسٹی گیشن ہو رہی ہے، آرمی کے افسران بھی انویسٹی گیشن کر رہے ہیں، کورٹ آف ٹرائل کے مطابق شواہد اکٹھے ہو رہے ہیں، سیکڑوں کی تعداد میں لوگوں کی شناخت کے عمل میں وقت لگے گا۔۔۔۔