اسلام آباد(پی این آئی)وفاقی وزير داخلہ رانا ثنا اللہ نےکہا ہےکہ آئین پر عمل کا وقت آتے ہی صدر،گورنر اور پوری پی ٹی آئی بیمار پڑ جاتی ہے، اگر صدر کو عہدے کا خیال نہیں ہے تو استعفیٰ دیں۔ایک بیان میں وفاقی وزير داخلہ رانا ثنا اللہ کا کہنا تھا کہ صدر ڈاکٹرعارف علوی کو عہدے کا خیال نہیں تو استعفیٰ دیں، ملک آئین کے مطابق چلنا ہے عمران نیازی کےحکم پر نہیں۔
رانا ثنا اللہ کا کہنا تھا کہ صدر مملکت کا عہدہ آئینی منصب ہے،سیاسی نہیں، آئین پر عمل کا وقت آتے ہی صدر،گورنر اور پوری پی ٹی آئی بیمار پڑجاتی ہے۔ ان کا کہنا تھا کہ سپریم کورٹ کے بعد لاہورہائی کورٹ کے حکم کی مسلسل توہین کی جارہی ہے، 21 دن سے پنجاب وزیراعلیٰ اور کابینہ کے بغیر چلایا جا رہا ہے، یہ نہیں چاہتے کہ اہل لوگ بڑی آبادی والے صوبے میں خدمت کا عمل شروع کریں۔
تازہ ترین خبروں کے لیے پی این آئی کا فیس بک پیج فالو کریں
