وزیراعظم عمران خان نے وفاقی کابینہ میں مزید ردوبدل کرنے کا اشارہ دے دیا، کس کس کی کارکردگی خراب ہے؟

اسلام آباد(این این آئی) وزیراعظم عمران خان نے وفاقی کابینہ میں مزید ردوبدل کرنے کا عندیہ دے دیا ہے۔ذرائع کے مطابق وزیراعظم عمران خان کی زیر صدارت پارٹی رہنماؤں کا اجلاس ہوا، اجلاس میں ملکی تازہ سیاسی اور معاشی صورتحال پر مشاورت کی گئی، اجلاس میں وزیراعظم نے کابینہ میں ہونے والی حالیہ

تبدیلیوں پر پارٹی رہنماؤں کو بھی اعتماد میں لیا۔اجلاس میں وزیراعظم عمران خان نے پارٹی رہنماؤں کو بتایا کہ شیخ رشید کو وزیر داخلہ بنانے کا فیصلہ کیا ہے، اس کے علاوہ وزیراعظم نے کہا کہ ضرورت پڑنے پر وفاقی کابینہ میں مزید تبدیلیاں بھی کرسکتے ہیں۔اس سے قبل وزیراعظم نے وفاقی کابینہ میں اہم اور بڑی تبدیلیاں کرتے ہوئے متعدد وفاقی وزرا کے قلمدان کو تبدیل کیا تھا، شیخ رشید احمد کو وزارت داخلہ کا قلمدان سونپا گیا جبکہ اعظم خان سواتی کو وزارت ریلوے کا قلمدان دیا گیا۔وفاقی وزیر کا حلف اٹھانے والے ڈاکٹر عبدالحفیظ شیخ کو وزیر خزانہ کا قلمدان سونپا گیا جبکہ سابق وزیر داخلہ بریگیڈیئر(ر)اعجاز احمد شاہ نارکوٹس کنٹرول کے وزیر بنادئیے گئے، وفاقی وزرا کے قلمدان تبدیل کئے جانے کا نوٹیفکیشن جاری کردیا گیا ہے۔۔۔۔

وفاقی کابینہ میں مزید ردوبدل کا فیصلہ ، وزیراعظم عمران خان نے کئی وزار کیلئے خطرے کی گھنٹی بجادی، عید کے بعد کیا کرنے جارہے ہیں؟

اسلام آباد (پی این آئی) وزیراعظم نے وفاقی کابینہ میں مزید رد و بدل کا فیصلہ کر لیا، ذرائع کے مطابق کئی وزراء کیلئے خطرے کی گھنٹی بجا دی گئی، عید کے بعد تمام وزراء کی کارکردگی کا جائزہ لے کر اہم فیصلے

کیے جائیں گے۔ تفصیلات کے مطابق وزیراعظم عمران خان نے عید الاضحیٰ کے فوری بعد اپنی کابینہ میں مزید رد و بدل کرنے کا فیصلہ کیا ہے۔اس حوالے سے ذرائع کی جانب سے بتایا گیا ہے کہ وزیراعظم عمران خان عید الاضحٰی کے فوری بعد اپنی کابینہ کے تمام اراکین کی کارکردگی کا جائزہ لیں گے۔ وزیراعظم کی جانب سے ایک ایک وفاقی وزیر کی کارکردگی کا تفصیلی جائزہ لیا جائے گا۔ کارکردگی جائزہ لیے جانے کے بعد وزارتوں میں رد و بدل کے حوالے سے اہم فیصلے کیے جائیں گے۔مزید بتایا گیا ہے کہ بدھ کے روز 2 معاونین خصوصی کے استعفوں کے بعد کئی وفاقی وزراء کیلئے بھی خطرے کی گھنٹی بجائی گئی ہے۔وزیراعظم نے کچھ روز قبل ہی وفاقی وزراء کو تلقین کی تھی کہ اپنی وزارتوں کی کارکردگی میں بہتری لائے گی۔ وزیراعظم نے واضح کیا تھا کہ جو وزیر کام نہیں کرے گا، کارکردگی نہیں دکھائے گا تو اسے گھر بھیج دیا جائے گا۔ ذرائع کی جانب سے مزید بتایا گیا ہے کہ وزیراعظم ظفر مرزا کی جگہ نئے معاون خصوصی برائے صحت یا وزیر صحت کی تقرری کے حوالے سے بھی عید کے بعد ہی فیصلہ کریں گے۔اس تمام صوتحال کے حوالے سے اپوزیشن جماعتوں کی جانب سے بھی مختلف دعوے کیے جا رہے ہیں۔ اپوزیشن کے رہنماوں کا دعویٰ ہے کہ تانیہ ایدروس اور ظفر مرزا نے خود استعفیٰ نہیں دیا بلکہ ان سے استعفیٰ لیا گیا ہے۔

ان دونوں کے مزید کچھ معاونین خصوصی سے استعفے لیے جانے کا امکان ہے۔ اس حوالے سے ندیم افضل چن کا نام بھی سامنے آ رہا ہے۔