لندن کے میئر صادق خان نے ٹریفک فیس میں تبدیلیوں کا اعلان کر دیا
لندن کے میئر صادق خان نے کنجیشن چارج (ٹریفک فیس) میں بڑی تبدیلیوں کا اعلان کیا ہے۔ برطانوی میڈیا کے مطابق، انہوں نے الیکٹرک گاڑیوں کے لیے مکمل رعایت ختم کر دی ہے، جس کے بعد اب الیکٹرک گاڑیوں پر بھی یہ فیس لاگو ہوگی۔
نیا رعایتی نظام 2 جنوری 2026 سے نافذ کیا جائے گا، جس کے تحت رعایت حاصل کرنے کے لیے آٹو پے میں رجسٹریشن لازمی ہوگی۔ اس نظام میں الیکٹرک کاروں کو 25 فیصد رعایت دی جائے گی، جبکہ بڑی الیکٹرک وینز اور گاڑیوں کو 50 فیصد رعایت ملے گی۔
فیس میں بھی اضافہ کیا گیا ہے۔ روزانہ کنجیشن چارج 15 پاؤنڈ سے بڑھا کر 18 پاؤنڈ کر دیا گیا ہے، جبکہ دیر سے ادائیگی کی صورت میں یہ چارج 21 پاؤنڈ تک ہو سکتا ہے۔
میئر صادق خان نے اس فیصلے کی وضاحت کرتے ہوئے کہا کہ ٹریفک کم کرنا معیشت کے لیے ناگزیر ہے، اور الیکٹرک گاڑیوں کے لیے کلینر وہیکل ڈسکاؤنٹ ابتدا ہی سے عارضی تھا۔
تازہ ترین خبروں کے لیے پی این آئی کا فیس بک پیج فالو کریں
