فرانس کی وزارت داخلہ کی ویب سائٹس پر ہونے والے سائبر حملے میں حساس سرکاری ڈیٹا لیک ہو گیا ہے۔ وزارت نے تصدیق کی ہے کہ حملہ آوروں نے پیشہ ورانہ ای میل اکاؤنٹس تک رسائی حاصل کر کے اہم فائلیں دیکھی ہیں، جن میں فوجداری ریکارڈ پروسیسنگ سسٹم اور مطلوب افراد کی فہرست شامل ہیں۔
فرانسیسی وزیر داخلہ نے بتایا کہ یہ واقعہ ابتدائی اندازوں سے کہیں زیادہ سنگین ہے، جس سے سرکاری حلقوں میں تشویش پھیل گئی ہے۔ اگرچہ ڈیٹا کے نقصان کی مکمل نوعیت کا ابھی تعین نہیں ہو سکا، لیکن یہ واضح ہو چکا ہے کہ حساس معلومات متاثر ہوئی ہیں۔
سائبر حملے کے بعد فرانسیسی حکام نے ایک 22 سالہ مشتبہ شخص کو گرفتار کر لیا ہے، جس سے تفتیش جاری ہے۔ یہ واقعہ وزارت داخلہ کے سائبر سیکورٹی نظام کے تحفظات کو نمایاں کرتا ہے اور سرکاری ڈیٹا کی حفاظت کے نئے سوالات اٹھاتا ہے۔
تازہ ترین خبروں کے لیے پی این آئی کا فیس بک پیج فالو کریں
