کابل (پی این آئی) افغانستان کے دارالحکومت کابل کی وزیر محمد اکبر خان گرینڈ مسجد کے قریب دھماکہ ہوا۔ وزارت داخلہ کے مطابق دھماکا اس وقت ہوا جب نمازی جمعہ کی نماز ادا کرنے کے بعد مسجد کے احاطے سے باہر نکل رہے تھے۔ دھماکے کی آواز سننے کے فوراً بعد سیکیورٹی فورسز جائے وقوعہ پر پہنچ گئیں۔ عینی شاہدین نے افغان ٹی وی چینل طلوع نیوز کو بتایا کہ دھماکہ مقناطیسی بم کی وجہ سے ہوا۔
ہلاکتوں کے بارے میں ابھی تک کوئی سرکاری اعداد و شمار دستیاب نہیں ہیں۔ تاہم، ایمرجنسی این جی او نے ٹویٹ کیا کہ اس کے سرجیکل سینٹر کو آج کے دھماکے سے 14 ہلاکتیں موصول ہوئی ہیں، اور “ان میں سے 4 پہنچتے ہی ہلاک ہو چکے تھے۔”دھماکے کی ذمہ داری تاحال کسی نے قبول نہیں کی ہے۔ دھماکے کا علاقہ گرین زون کے نام سے جانا جاتا ہے اور یہ غیر ملکی سفارتی مشنز کا مقام ہے۔