امریکہ میں کورونا کے مریضوں اور ہلاک شدگان کی تعداد دنیا بھر میں سب سے زیادہ

امریکا(پی این آئی)امریکا میں کورونا وائرس کی ہلاکت خیزیاں جاری ہیں اور متاثرہ افراد کی تعداد 5 لاکھ سے تجاوز کرچکی ہے جب کہ ہلاکتوں کی تعداد 19 ہزار 833 ہوچکی ہے جو کہ اٹلی اور اسپین سے بھی زیادہ ہے۔امریکا میں کورونا وائرس کے باعث مزید ایک ہزار 86 لوگ ہلاک ہوگئے جب کہ 24 گھنٹوں کے

دوران 2 ہزار35 ہلاکتیں ریکارڈ کی گئی ہیں۔ساڑھے 5 ہزار نئے کیس سامنے آنے کے بعد امریکا میں کورونا سے متاثرہ افراد کی تعداد 5 لاکھ 8 ہزار 575 ہوچکی ہے جوکہ دنیا بھر میں سب سے زیادہ ہے۔ہلاکتوں کی تعداد میں بھی امریکا کورونا سے شدید متاثرہ یورپی ممالک اٹلی اوراسپین سے آگے نکل گیا ہے اور وہاں ہلاکتوں کی تعداد 19 ہزار 833 ہوچکی ہے جب کہ اٹلی میں 19 ہزار 468 اور اسپین میں 16 ہزار 353 افراد ہلاک ہوچکے ہیں۔امریکی ریاست نیویارک کورونا وائرس سے سب سے زیادہ متاثرہ ہے جہاں ہلاکتوں کی تعداد 8 ہزار 627 ہوچکی ہے جو دنیا کے بیشتر ممالک سے بھی زیادہ ہے۔تقریباً 2 کروڑ کی آبادی والی ریاست میں کوروناسے متاثر ہونے والے افراد کی تعداد ایک لاکھ 70 ہزار سے تجاوز کرچکی ہے۔خیال رہے کہ امریکی صدر ڈونلڈ ٹرمپ نے خدشہ ظاہر کیا ہے کہ امریکا میں کورونا سے ہلاکتوں کی تعداد 2 لاکھ تک پہنچ سکتی ہے۔کورونا کیسز بڑھنے کے باوجود ٹرمپ کا معیشت بحال کرنے کا اشارہ،اس کے باوجود امریکی صدر ڈونلڈ ٹرمپ کا کہنا ہے کہ وہ معیشت بحال کرنے کے حوالے سے جلد فیصلہ کرنے جا رہے ہیں، وہ چاہتے ہیں کہ لاک ڈاؤن جلد ختم ہو۔ڈونلڈ ٹرمپ کا کہنا ہے اپنے دور صدارت میں کبھی اتنا سخت فیصلہ نہیں کیا، امید ہے یہ فیصلہ امریکا اور عوام کے لیے درست ثابت ہوگا۔ڈونلڈ ٹرمپ کا کہنا تھا کہ اگر ہم یہ ہلاکتیں ایک لاکھ تک روکنے میں کامیاب رہے تو یہ ہماری بڑی کامیابی ہوگی۔خیال رہے کہ دنیا بھر میں کورونا وائرس سے متاثرہ افراد کی تعداد 17 لاکھ 36 ہزارسے تجاوز کرچکی ہے جن میں سے ایک لاکھ 6 ہزار سے زائد افراد ہلاک ہوچکے ہیں۔

پاکستان نیوز انٹرنیشنل (پی این آئی) قابل اعتبار خبروں کا بین الاقوامی ادارہ ہے جو 23 مارچ 2018 کو قائم کیا گیا، تھوڑے عرصے میں پی این آئی نے دنیا بھر میں اردو پڑہنے، لکھنے اور بولنے والے قارئین میں اپنی جگہ بنا لی، پی این آئی کا انتظام اردو صحافت کے سینئر صحافیوں کے ہاتھ میں ہے، ان کے ساتھ ایک پروفیشنل اور محنتی ٹیم ہے جو 24 گھنٹے آپ کو باخبر رکھنے کے لیے متحرک رہتی ہے، پی این آئی کا موٹو درست، بروقت اور جامع خبر ہے، پی این آئی کے قارئین کے لیے خبریں، تصاویر اور ویڈیوز انتہائی احتیاط کے ساتھ منتخب کی جاتی ہیں، خبروں کے متن میں ایسے الفاظ کے استعمال سے اجتناب برتا جاتا ہے جو نا مناسب ہوں اور جو آپ کی طبیعت پر گراں گذریں، پی این آئی کا مقصد آپ تک ہر واقعہ کی خبر پہنچانا، اس کے پیش منظر اور پس منظر سے بر وقت آگاہ کرنا اور پھر اس کے فالو اپ پر نظر رکھنا ہے تا کہ آپ کو حالات حاضرہ سے صرف آگاہی نہیں بلکہ مکمل آگاہی حاصل ہو، آپ بھی پی این آئی کا دست و بازو بنیں، اس کا پیج لائیک کریں، اس کی خبریں، تصویریں اپنے دوستوں اور رشتہ داروں میں شیئر کریں، اللہ آپ کا حامی و ناصر ہو، ایڈیٹر