اسلام آباد: نیشنل ڈیزاسٹر مینجمنٹ اتھارٹی (این ڈی ایم اے) نے پنجاب کے مختلف علاقوں میں شدید دھند کے پیش نظر الرٹ جاری کر دیا ہے۔
این ڈی ایم اے کے مطابق آئندہ تین روز کے دوران جنوبی اور وسطی پنجاب میں دھند کی شدت میں اضافہ متوقع ہے، جس کے باعث حدِ نگاہ متاثر ہونے کا خدشہ ہے۔ الرٹ میں بتایا گیا ہے کہ لاہور، جھنگ، ملتان، خانیوال، میاں چنوں اور ساہیوال میں شدید دھند چھائے رہنے کا امکان ہے، جب کہ اوکاڑہ، پاکپتن، بہاولپور، بہاولنگر، لودھراں اور وہاڑی کے علاقوں میں بھی دھند کی صورتحال سنگین ہو سکتی ہے۔
اس کے علاوہ بالائی سندھ خصوصاً سکھر اور گردونواح میں دھند کا امکان ظاہر کیا گیا ہے، جب کہ اسلام آباد میں بھی رات کے اوقات اور علی الصبح دھند چھائے رہنے کی پیشگوئی کی گئی ہے۔ این ڈی ایم اے نے شہریوں اور مسافروں کو محتاط رہنے اور غیر ضروری سفر سے گریز کرنے کی ہدایت کی ہے۔
تازہ ترین خبروں کے لیے پی این آئی کا فیس بک پیج فالو کریں
