محکمہ موسمیات نے 27 سے 30 اگست تک سندھ سمیت ملک بھر میں مزید بارشوں کا امکان ظاہر کیا ہے۔
محکمہ موسمیات کے مطابق 23 سے 25 اگست کے دوران کراچی، سکھر، لاڑکانہ، شہید بینظیر آباد، دادو، جیکب آباد اور جامشورو میں بارش متوقع ہے۔ اسی دوران جنوبی پنجاب کے اضلاع بھکر، لیہ، مظفرگڑھ، ڈیرہ غازی خان، راجن پور اور رحیم یار خان میں بھی بارش کا امکان ہے۔ محکمہ موسمیات کا کہنا ہے کہ آج ہلکی بارش کے بعد موجودہ سسٹم کراچی سے نکل جائے گا۔
دوسری جانب شہر کی بیشتر سڑکوں سے بارش کے پانی کا نکاس کر دیا گیا ہے، تاہم کچھ مقامات پر اب بھی پانی موجود ہے۔ صدر پیپر مارکیٹ سے بارش کا پانی نہیں نکالا جا سکا، جبکہ یونیورسٹی روڈ اور تین ہٹی سے گرومندر جانے والی سڑک پر بھی پانی جمع ہے۔
تازہ ترین خبروں کے لیے پی این آئی کا فیس بک پیج فالو کریں
