لاہور: پی ڈی ایم اے پنجاب نے صوبے میں مون سون کے آٹھویں اسپیل کے پیش نظر الرٹ جاری کردیا ہے۔
ترجمان پی ڈی ایم اے کے مطابق 22 اگست کی رات سے مغربی ہوائیں صوبے کے بالائی علاقوں میں داخل ہوں گی اور 23 اگست سے 27 اگست تک شدید بارشوں کا سلسلہ جاری رہے گا۔ ترجمان نے بتایا کہ دریائے جہلم، چناب، راوی، ستلج اور ان سے ملحقہ ندی نالوں میں پانی کے بہاؤ میں نمایاں اضافہ ہوسکتا ہے، جب کہ دریائے ستلج میں گنڈا سنگھ والا کے مقام پر پانی کا بہاؤ پہلے ہی ایک لاکھ کیوسک ہے۔
مزید بتایا گیا کہ اس دوران راولپنڈی، مری گلیات، اٹک، چکوال، جہلم، گجرات، گوجرانوالہ اور وزیر آباد میں بارشیں متوقع ہیں، جب کہ لاہور، قصور، شیخوپورہ، سیالکوٹ، نارووال، جھنگ، ننکانہ اور ٹوبہ ٹیک سنگھ میں بھی بارشوں کا امکان ہے۔
تازہ ترین خبروں کے لیے پی این آئی کا فیس بک پیج فالو کریں
