محکمہ موسمیات نے کہا ہے کہ ملک کے بیشترعلاقوں میں موسم خشک رہے گا، تاہم زیریں سندھ، مکران کے ساحلی علاقوں میں گردآلود ہوائیں اور جھکڑ چلنے کے علاوہ بارش کا امکان ہے ۔
محکمہ موسمیات کا کہنا ہے کہ منگل کے روز اسلام آباد اور گردونواح میں موسم خشک رہنے کا امکان ہے۔خیبرپختونخوا کے بیشتر اضلاع میں موسم خشک جبکہ پہاڑی علاقوں میں رات کے اوقات سرد رہنے کا امکان ہے، تاہم شام یا رات میں مطلع جزوی ابرآلود رہنے کے علاوہ چترال اور دیر میں چند مقامات پر گرج چمک کے ساتھ بارش ہو سکتی ہے۔
محکمہ موسمیات کے مطابق پنجاب کے بیشتر اضلاع میں موسم گرم اورخشک رہنے کا امکان ہے ۔ بلوچستان کے بیشتر اضلاع میں موسم گرم اورخشک جبکہ جنوبی اضلاع میں مطلع جزوی ابرآلود رہنے کا امکان ہے، تاہم لسبیلہ، گوادر، جیوانی، کیچ ، تربت اورآواران میں چند مقامات پر تیز ہوائیں، جھکڑ چلنے اور گرج چمک کے ساتھ بارش کا امکان ہے۔
سندھ کے بیشتر اضلاع میں موسم گرم اور خشک رہے گا، تاہم مٹھی، بدین، دادو، کراچی، ٹھٹھہ، سجاول اور حیدرآباد میں گردآلود ہوائیں چلنے کے علاوہ چند مقامات پرگرج چمک کے ساتھ بارش ہوسکتی ہے۔ اس کے علاوہ کشمیر میں موسم خشک اورسرد رہنے کی توقع ہے جبکہ گلگت بلتستان میں دن کے اوقات میں موسم خشک جبکہ رات میں چند مقامات پر بارش ہو سکتی ہے۔
تازہ ترین خبروں کے لیے پی این آئی کا فیس بک پیج فالو کریں
