مزید بارشیں ہوں گی یا نہیں؟ محکمہ موسمیات نے پیشنگوئی کر دی

اسلام آباد(پی این آئی)محکمہ موسمیات کے مطابق ہفتہ کے روز ملک کے بیشتر علاقوں میں موسم سرد اور خشک رہے گا۔تا ہم کشمیر، گلگت بلتستان، بالائی خیبر پختونخوا ، شمالی بلوچستان اور خطہ پو ٹھو ہارمیں شدید سرد رہے گا ۔ پنجاب ،خیبر پختونخوا کے میدانی علا قوں اوربالائی سندھ میں شدید دھند کا امکان ۔

اس دوران خطہ پو ٹھو ہار اور کشمیر میں چند مقامات پر کہرُ پڑ نے کا امکان۔ گذشتہ 24 گھنٹے کا موسم کشمیر ، خیبر پختونخوا ، اسلام آباد ،بالائی/وسطی پنجاب اور گلگت بلتستان میں بارش ہوئی۔ اس دوران مالم جبہ ، کالام ،گوپس، مری، چترال، دروش، استور، بگروٹ اور دیر میں برفباری بھی ریکارڈ ہوئی ۔ جبکہ ملک کے دیگر علاقوں میں موسم سرد اور خشک رہا ۔پنجاب کے میدانی علاقے اور با لائی سندھ دھند کی لپیٹ میں رہے۔ سب سے زیادہ بارش(ملی میٹر): کشمیر: راولاکوٹ 23 ، مظفرآباد (ایئرپورٹ 14 ،سٹی 10)، گڑھی دوپٹہ 14 ، خیبر پختونخوا: سیدو شریف 16، مالم جبہ ، پٹن 14، کاکول 10،دیر (بالائی 04) ، بالاکوٹ، دروش 06، کالام05، چترال 02،پنجاب: سیالکوٹ(سٹی21، ائیر پورٹ 15) ،نارووال 12، مری 06، اسلام آباد (زیرو پوائنٹ02، سید پور 01)، اٹک01، گلگت بلتستان: گوپس 07، چلاس 05، استور 02، بو نجی، بگروٹ 01۔ بلو چستان: قلات02، برفباری (انچ): مالم جبہ 07، کالام 05،گوپس 03، مری 02.5، چترال، دروش، استور 01، بگروٹ اور دیر میں ٹریس ریکارڈ کی گئی۔

آج ریکارڈکیےگئےکم سےکم درجہ حرارت: زیارت منفی 15، قلات منفی 11،لہہ منفی10،کوئٹہ، دالبندین منفی 08،نوکنڈی منفی 07،گوپس ، مالم جبہ، پاراچنار منفی 06،کالام، ژوب منفی 05استور اور پنجگور میں منفی 04 ڈگری سینٹی گریڈ ریکارڈ کیا گیا۔