منگل کےدن کن کن علاقو ں میں بارشیں ہوں گی اور کہاں شدید گرمی پڑے گی؟ محکمہ موسمیات کی تفصیلی رپورٹ آگئی

اسلا م آباد(پی این آئی)منگل کے روز ملک کے بیشتر میدانی علاقوں میں موسم گرم اورخشک جبکہ شام/رات کے اوقات میں بالائی خیبر پختونخوا، خطہ پوٹھوہار ، گلگت بلتستان اورکشمیر میں آندھی/ تیز ہواؤں اور گرج چمک کے ساتھ ہلکی بارش کا امکان۔منگل کے روز اسلام آباد میں دن کے اوقات میں موسم

گرم تاہم شام/رات کے دوران آندھی/تیز ہواؤں اور گرج چمک کے ساتھ ہلکی بارش کا امکان ہے۔منگل کے روز کشمیر میں مطلع جزوی ابر آلود رہنے کے علاوہ تیز ہواؤں اور گرج چمک کے ساتھ بارش متوقع ۔منگل کے روز گلگت بلتستان میں مطلع جزوی ابر آلود رہنے کے علاوہ تیز ہواؤں اور گرج چمک کے ساتھ بارش متوقع ۔منگل کے روز خیبرپختونخوا صوبہ کےبالائی اضلاع میں مطلع جزوی ابر آلود رہے گا۔ تاہم چترال ،مالاکنڈ، بونیر، ایبٹ آباد، مانسہرہ، پشاور، مردان، صوابی ، چارسدہ، کرم،کو ہا ٹ اور وزیرستان میں تیز ہواؤں /آندھی اور گرج چمک کے ساتھ بارش کا امکان ہے۔منگل کے روزصوبہ سندھ کے بیشتر اضلاع میں موسم شدیدگرم رہے گا۔منگل کے روز صوبہ پنجاب کے بیشتر اضلاع میں موسم خشک اور گرم رہے گا۔تاہم شام/رات کے دوران خطہ پوٹھوہار میں آندھی/تیز ہواؤں اور گرج چمک کے ساتھ ہلکی بارش کی توقع۔منگل کے روزبلوچستان صوبہ کے بیشتر علاقوں میں موسم گرم اور خشک جبکہ سبی، کوہلو، لسبیلہ اور تربت میں شدید گرم رہنے کا امکان ۔ اس کے علاوہ ژوب،زیارت ،لورالائی میں گرج چمک اور آندھی کے ساتھ ہلکی بارش ہو سکتی ہے۔گذشتہ 24 گھنٹے کا موسم ملک کے بیشتر علاقوں میں موسم خشک جبکہ سندھ اور جنوبی بلوچستان میں گرم رہا۔تاہم خیبر پختو نخوا:بالاکوٹ06 ، دروش 04، میرکھانی 02، کشمیر: مظفر آباد (سٹی 03، ایئر پورٹ 02)،گلگت بلتستان : بگروٹ میں 01 ملی میٹر بارش ریکارڈ کی گئی۔آج ریکارڈ کیے گئے زیادہ سے زیادہ درجہ حرارت: چھور 45، دادو، موہنجوداڑو 44، پڈعیدن ،روہری ،لاڑکانہ،مٹھی ا ور شہید بینضیرآباد میں43 ڈگری سینٹی گریڈریکارڈ کیا گیا۔