اسلام آباد(پی این آئی)محکمہ موسمیات کے مطابق بارشوں کا ایک طاقتور ترین سلسلہ پیر یا منگل سے ملک کے بالائی علاقوں سے شروع ہونے کا امکان ہے- جس کی شدت میں بدھ سے اضافہ ہوگا جو وقفے وقفے سے اتوار تک ملک کے بیشتر بالائی وسطی اور جنوب مشرقی علاقوں میں برسے گا-خلاصہ یہ کہ منگل سے
خیبرپختونخوا بالائی و وسطی پنجاب اور کشمیر کے بیشتر علاقوں میں گرج چمک کے کیساتھ بارشوں کا سلسلہ شروع ہونے کا امکان ہے جس کی شدت میں بدھ سے اضافہ ہوگا- بارشوں کا یہ سلسلہ بدھ سے اتوار تک کافی زیاده شدت کیساتھ ملک کے بالائی و وسطی علاقوں پر اثر انداز ہوگا- جس کے زیر اثر ملک کے بالائی علاقوں میں موسلادھار یا شدید بارش کے بھی امکانات ہیں-اگلے دو سے تین دنوں کے دوران سندھ کے جنوبی اور مشرقی علاقوں میں چند مقامات پر بارش کے امکانات ہیں- جمعرات سے پیر کے درمیان سندھ جنوبی پنجاب اور مشرقی بلوچستان کے بھی مختلف علاقوں میں کہیں کہیں بارشوں کے امکانات ہیں-پیر سے اتوار تک کی پورے ہفتے کی پاکستان بھر کی مکمل تفصیلی موسمی پیشگوئی تیار کی جارہی ہے۔
تازہ ترین خبروں کے لیے پی این آئی کا فیس بک پیج فالو کریں
