اسلام آباد: فراڈ کیس میں سابق ڈی جی آئی ایس آئی فیض حمید کے بھائی نجف حمید کی ضمانت منسوخ کر دی گئی ہے۔
تفصیلات کے مطابق ایف آئی اے کی درخواست پر عدالت نے نجف حمید کی ضمانت منسوخ کرنے کا فیصلہ کیا۔ اسپیشل جج سینٹرل ایف آئی اے شاہ رخ ارجمند نے محفوظ فیصلہ سنایا، تاہم عدالت میں موجود نہ ہونے کی وجہ سے نجف حمید کو گرفتار نہیں کیا جا سکا۔
اس سے قبل عدالت نے صلح کی بنیاد پر نجف حمید کی ضمانت منظور کی تھی، تاہم ایف آئی اے کی جانب سے ضمانت منسوخی کے لیے دوبارہ عدالت سے رجوع کیا گیا تھا، جسے منظور کر لیا گیا۔
تازہ ترین خبروں کے لیے پی این آئی کا فیس بک پیج فالو کریں
