اسلام آباد: جعفر ایکسپریس حملے کا ماسٹر مائنڈ اور کالعدم تنظیم مجید بریگیڈ کا آپریشنل کمانڈر گل رحمان عرف استاد مرید افغانستان میں ہلاک ہوگیا۔
ذرائع کے مطابق گل رحمان 17 ستمبر کو ہلمند میں پُراسرار طور پر مارا گیا۔ وہ پاکستانی سیکیورٹی فورسز، چینی شہریوں، سی پیک منصوبوں اور معصوم شہریوں پر ہونے والے متعدد حملوں میں ملوث رہا۔ گل رحمان نے جعفر ایکسپریس حملے کے علاوہ کراچی میں چینی قونصلیٹ، گوادر کے پی سی ہوٹل، خضدار اسکول بس، کراچی کنفیوشس انسٹیٹیوٹ، پاکستان اسٹاک ایکسچینج اور کوئٹہ ریلوے اسٹیشن پر بھی حملے کیے۔
امریکا پہلے ہی مجید بریگیڈ کو عالمی دہشت گرد تنظیم قرار دے چکا ہے، جبکہ پاکستان اور چین اسے اقوام متحدہ کی دہشت گرد فہرست میں شامل کرنے کا مطالبہ کر چکے ہیں۔ ذرائع کا کہنا ہے کہ گل رحمان کی ہلاکت اس بات کا ثبوت ہے کہ افغان سرزمین اب بھی پاکستان میں دہشت گردی کے لیے استعمال ہو رہی ہے۔
تازہ ترین خبروں کے لیے پی این آئی کا فیس بک پیج فالو کریں
