اسپین کی تاریخی جامع مسجد قرطبہ میں آگ لگنے کا واقعہ پیش آیا، جس پر فائر فائٹرز نے ڈیڑھ گھنٹے کی محنت کے بعد قابو پالیا۔
غیرملکی میڈیا کے مطابق آگ فرش صاف کرنے والی مشین میں شارٹ سرکٹ کے باعث لگی۔ فوری ردعمل کی بدولت شعلوں کو پھیلنے سے روکا گیا۔ قرطبہ کی میئر جوزا مارا بلیڈو نے سوشل میڈیا پلیٹ فارم ایکس پر کہا کہ بروقت مداخلت سے ایک بڑی تباہی سے بچا لیا گیا۔ جامع مسجد قرطبہ 8ویں صدی عیسوی میں تعمیر ہوئی تھی، اور مسلمانوں کے دورِ حکومت کے خاتمے کے بعد 16ویں صدی میں یہاں ایک چرچ بھی قائم کیا گیا۔ یہ مسجد اسپین میں اسلامی فنِ تعمیر کا عظیم نمونہ سمجھی جاتی ہے اور 1984ء میں یونیسکو نے اسے عالمی ورثہ قرار دیا تھا۔
تازہ ترین خبروں کے لیے پی این آئی کا فیس بک پیج فالو کریں
