لاہور(پی این آئی)اسحاق ڈار بال بال بچ گئے۔۔۔لاہور ہائی کورٹ نے وزیر خارجہ اسحاق ڈار کی بطور نائب وزیرِ اعظم تقرری کے خلاف دائر درخواست خارج کر دی۔لاہور ہائی کورٹ نے درخواست ناقابل سماعت قرار دے کر مسترد کر دی۔درخواست گزار نے مؤقف اپنایا تھا کہ سینیٹر اسحاق ڈار وزیرِ خارجہ کے عہدے پر تعینات ہیں، آئین میں نائب وزیرِ اعظم کا عہدہ موجود نہیں ہے۔درخواست گزار نے کہا کہ آئین کے خلاف اسحاق ڈار کی بطور نائب وزیرِ اعظم تقرری کی گئی ہے، عدالت ان کی بطور نائب وزیرِ اعظم تقرری کالعدم قرار دے۔
واضح رہے کہ گزشتہ ماہ وزیرِ اعظم شہباز شریف نے ن لیگی سینیٹر اور وزیر خارجہ اسحاق ڈار کو نائب وزیرِ اعظم مقرر کیا تھا۔وزیرِ اعظم ہاؤس سے جاری اعلامیے میں کہا گیا تھا کہ وزیرِ اعظم نے اسحاق ڈار کو نائب وزیرِ اعظم مقرر کرنے کی منظوری دے دی ہے۔کابینہ ڈویژن نے سینیٹر اسحاق ڈار کی بطور نائب وزیرِ اعظم تقرری کا نوٹیفکیشن جاری کیا تھا۔۔۔۔۔
تازہ ترین خبروں کے لیے پی این آئی کا فیس بک پیج فالو کریں
