اسلام آباد (پی این آئی)آرمی چیف کی تقرری کا معاملہ،وزیر خزانہ اسحاق ڈار کو اتحادیوں کو اعتماد میں لینے کا ٹاسک سونپ دیا گیا ۔ ذرائع کے مطابق ابتدائی مشاورت میں اتحادیوں نے وفاقی حکومت کو مکمل تعاون کا یقین دلادیا،اسحاق ڈار کی سابق صدر آصف علی زرداری اور مولانا فضل الرحمان سے اہم ملاقاتیں ہوئی ہیں،اتحادیوں نے پیغام دیا ہے کہ وزیر اعظم کو آئینی اختیار ہے کہ وہ تقرری آئین کے مطابق کریں ،سابق وزیراعظم عمران خان کے بیانیہ اور لانگ مارچ کو اہمیت نہ دینے کا بھی
فیصلہ کیا گیا ہے۔نجی ٹی وی ٹوئنٹی فور نیوز کے مطابق سیاسی معاملات پر مشاورت طبیعت بہتر ہوتے ہی وزیراعظم میاں شہباز شریف جلد اتحادیوں کے ساتھ براہ راست بھی ملاقات کریں گے، ؒوزیر خزانہ اسحاق ڈار کی صدر عارف علوی سے اہم ترین ملاقات ہوئی ہے،ملاقات نئے آرمی چیف کی تقرری کے معاملے پر ہوئی،اسحاق ڈار وزیر اعظم کی ہدایت پر صدر مملکت سے ملے،اسحاق ڈار آج بھی اہم ملاقاتیں کریں گے۔ملاقات کے دوران وفاقی وزیر خزانہ نے صدر مملکت کو ملک کی
مجموعی اقتصادی اور مالیاتی صورتحال پر بریف کیا۔ وزیر خزانہ نے صدر مملکت کو پاکستان کے عوام باالخصوص ملک کے محروم علاقوں کی غیر مراعات یافتہ آبادی اور سیلاب متاثرین کو ریلیف فراہم کرنے کیلئے حکومت کی جانب سے کیے گئے مختلف اقدامات سے بھی آگاہ کیا،ملاقات کے دوران خزانہ اور معیشت سے متعلق مختلف امور پر بھی تبادلہ خیال کیا گیا۔دوسری جانب صدر عارف علوی سے وفاقی وزیر خزانہ سینیٹر محمد اسحاق ڈار نے ایوان صدر میں ملاقات کی
جس میں وفاقی وزیر خزانہ نے صدر مملکت کو ملک کی مجموعی اقتصادی اور مالیاتی صورتحال پر بریف کیا۔وزیر خزانہ نے صدر مملکت کو پاکستان کے عوام بالخصوص ملک کے محروم علاقوں کی غیر مراعات یافتہ آبادی اور سیلاب متاثرین کو ریلیف فراہم کرنے کیلئے حکومت کی جانب سے کیے گئے مختلف اقدامات سے بھی آگاہ کیا۔ملاقات کے دوران خزانہ اور معیشت سے متعلق مختلف امور پر بھی تبادلہ خیال کیا گیاذرائع کے مطابق اسحٰق ڈار نے
صدر مملکت ڈاکٹر عارف علوی سے ملاقات میں سربراہ تحریک انصاف عمران خان کیلیے عام انتخابات کےحوالے سے وزیراعظم شہبازشریف کا اہم پیغام بھی پہنچادیا ہے۔واضح رہے کہ اسحاق ڈار نواز شریف کی ہدایت پر سیاسی رہنماؤں سے ملاقات کررہے ہیں۔
تازہ ترین خبروں کے لیے پی این آئی کا فیس بک پیج فالو کریں
