میرانشاہ (پی این آئی) شمالی وزیر ستان کے مقامی علماء پر مشتمل رویت ہلال کمیٹی نے اپنے علاقے میں چاند کے نظر آنے کا دعویٰ کرتے ہوئے آج بدھ کو عید منانے کا اعلان کر دیا ہے۔شمالی وزیرستان سے قومی اسمبلی کے رکن محسن داوڑ نے ٹویٹر پر جاری کی جانے والی خبر میں بتایا ہے کہ صوبہ خیبرپختونخوا کے ضلع شمالی وزیرستان کے مقامی علماء نے چاند نظر آنے کا دعویٰ کردیا۔ٹویٹ کے مطابق شمالی وزیر ستان کے علاقے
حیدر خیل میں 20 افراد نے چاند دیکھنے کا دعویٰ کیا ہے۔علاقے سے رکن قومی اسمبلی محسن داوڑ نے مقامی علماء کی جانب سے چاند دیکھنے کی گواہی دینے والے افراد کی فہرست بھی جاری کی جس میں 9 افراد کی گواہی کا دعویٰ کیا گیا ہے جبکہ 12 مئی بروز بدھ کو عید منانے کا بھی اعلامیہ جاری کیا گیا۔۔۔۔۔
بلوچستان حکومت میں اختلافات کا اعتراف کر لیا گیا،مفاہمت کے لیے کوششیں شروع کر دی گئیں
کوئٹہ(آن لائن )ڈپٹی اسپیکر قومی اسمبلی قاسم خان سوری نے کہاہے کہ پاکستان افغان امن عمل میں کلیدی کردار ادا کررہا ہے، بلوچستان اور ملک کے دیگر حصوں میں دہشت گردی کی کارروائیوں کے پیچھے ہندوستان کا ہاتھ ہے،حکومت بلوچستان میں اختلافات مذاکرات کے ذریعے ختم کرنے کیلئے کوشاں ہے ۔ان خیالات کااظہار انہوں نے کوئٹہ میں صحافیوں سے گفتگو کرتے ہوئے کیا۔قاسم خان سوری نے کہا کہ پاکستان نے ہمیشہ افغانستان میں پائیدار امن کے لئے ہر ممکن مدد کی ہے۔تاہم انہوں نے کہا کہ بلوچستان اور ملک کے دیگر حصوں میں دہشت گردی کی کارروائیوں کے پیچھے ہندوستان کا ہاتھ ہے۔ انہوں نے کہاکہ “بھارت افغانستان میں امن عمل سے خوش نہیں ہیں”۔مخلوط حکومت میں اختلافات سے متعلق ایک سوال کے جواب میں ڈپٹی اسپیکر نے کہا کہ اتحادی جماعتیں معاملات مذاکرات کے ذریعے حل کریں گی۔ انہوں نے کہا کہ وزیر اعظم عمران خان نے کوئٹہ کے دورے کے دوران اتحادی شراکت داروں سے معاملات کو خوش اسلوبی سے حل کرنے کو کہا تھا۔کورونا وائرس کی تیز لہر کے بارے میں ، مسٹر سوری نے لوگوں سے مہلک وائرس سے نمٹنے کے لئے معیاری آپریٹنگ طریقہ کار (ایس او پیز)اپنانے کی تاکید کی۔ انہوں نے کہا کہ حکومت نے وائرس سے موثر انداز میں مقابلہ کرنے کے لئے لاک ڈان کا اعلان کیا ہے۔ڈپٹی اسپیکر نے سول اسپتال اور فاطمہ جناح چیسٹ اور جنرل ہسپتال کے مختلف وارڈوں کا دورہ کیا اور عملہ اور مریضوں سے بات چیت کی۔ایم ایس فاطمہ جناح جنرل اینڈ چیسٹ ہسپتال ڈاکٹرنوراللہ موسیٰ خیل، سول اسپتال کے میڈیکل سپرنٹنڈنٹ ، ڈاکٹر ارباب کامران کاسی ، اور ینگ ڈاکٹرز ایسوسی ایشن (وائی ڈی اے)کے منتظم ڈاکٹر رحیم بابر نے ڈپٹی اسپیکر کو مہلک وائرس سے نمٹنے کے لئے حکومت کے اقدامات کے بارے میں آگاہ کیا۔۔۔۔
تازہ ترین خبروں کے لیے پی این آئی کا فیس بک پیج فالو کریں
