سابق بھارتی کپتان سنیل گواسکر نے ایشیا کپ میں پاکستان کے خلاف کھیلنے کو بھارتی کھلاڑیوں کی مجبوری قرار دیا ہے۔
گواسکر کا کہنا ہے کہ کھلاڑیوں پر تنقید نہیں ہونی چاہیے کیونکہ کھیلنے یا نہ کھیلنے کا فیصلہ ان کے ہاتھ میں نہیں ہوتا، وہ بھارتی کرکٹ بورڈ (بی سی سی آئی) اور حکومت کی ہدایات پر عمل کرتے ہیں۔ انہوں نے کہا کہ کھلاڑی بی سی سی آئی کے کنٹریکٹ کے پابند ہیں، اگر حکومت کھیلنے کا حکم دیتی ہے تو وہ کھیلتے ہیں اور اگر منع کرتی ہے تو نہیں کھیلتے۔ اس معاملے میں کھلاڑی بے بس ہیں اور محض منتخب اسکواڈ کا حصہ ہیں۔
بھارتی اسکواڈ برائے ایشیا کپ 2025
سوریا کمار یادیو
شبمن گل
ابھیشیک شرما
تلک ورما
ہاردک پانڈیا
شیوم دوبے
اکسر پٹیل
جیتیش شرما (وکٹ کیپر بیٹر)
جسپریت بمراہ
ارشدیپ سنگھ
ورون چکرورتی
کلدیپ یادیو
سنجو سیمسن (وکٹ کیپر بیٹر)
ہرشیت سنگھ رانا
رنکو سنگھ
ایشیا کپ میں پاک-بھارت مقابلے
ٹورنامنٹ میں پاکستان اور بھارت کا پہلا میچ 14 ستمبر کو شیڈول ہے۔ اگر دونوں ٹیمیں سپر فور مرحلے میں پہنچتی ہیں تو 21 ستمبر کو دوبارہ آمنے سامنے ہوں گی، جب کہ فائنل تک رسائی کی صورت میں تیسرا پاک-بھارت ٹاکرا 28 ستمبر کو متوقع ہے۔
تازہ ترین خبروں کے لیے پی این آئی کا فیس بک پیج فالو کریں
