پاکستان کرکٹ بورڈ (پی سی بی) نے 26-2025 کے لیے کرکٹرز کے سینٹرل کنٹریکٹس کا اعلان کردیا، جس کے تحت 30 کھلاڑیوں کو شامل کیا گیا ہے۔
ذرائع کے مطابق اس بار اے کیٹیگری ختم نہیں کی گئی، بلکہ کوئی بھی کھلاڑی اس معیار پر پورا نہیں اتر سکا۔ پرفارمنس کی بنیاد پر کھلاڑیوں کو بی، سی اور ڈی کیٹیگری میں تقسیم کیا گیا ہے، ہر کیٹیگری میں 10، 10 کھلاڑی شامل ہیں۔ یہ کنٹریکٹس یکم جولائی 2025 سے 30 جون 2026 تک مؤثر رہیں گے۔ گزشتہ سال 27 کھلاڑیوں کو کنٹریکٹ دیا گیا تھا، جبکہ اس بار 12 نئے کھلاڑی بھی شامل کیے گئے ہیں۔ 9 کھلاڑی اپنی پرانی کیٹیگری برقرار رکھنے میں کامیاب ہوئے، تاہم 8 کو کنٹریکٹ نہیں مل سکا۔
بی کیٹیگری میں شامل کھلاڑی: بابر اعظم، محمد رضوان، شاہین شاہ آفریدی، فخر زمان، شاداب خان، ابرار احمد، حارث رؤف، حسن علی، صائم ایوب اور سلمان علی آغا۔ سی کیٹیگری میں شامل کھلاڑی: عبداللّٰہ شفیق، نسیم شاہ، سعود شکیل، فہیم اشرف، ساجد خان، محمد نواز، محمد حارث، صاحبزادہ فرحان، حسن نواز اور نعمان علی۔ ڈی کیٹیگری میں شامل کھلاڑی: شان مسعود، حسین طلعت، محمد عباس، محمد وسیم جونیئر، محمد عباس آفریدی، خوشدل شاہ، احمد دانیال، سلمان مرزا، خرم شہزاد اور سفیان مقیم۔
ذرائع کے مطابق اس مرتبہ سی اور ڈی کیٹیگری کے معاوضوں میں اضافہ کیا گیا ہے۔ سی کیٹیگری کے کھلاڑیوں کو اب 25 لاکھ روپے جبکہ ڈی کیٹیگری کے کھلاڑیوں کو 15 لاکھ روپے ماہانہ ملیں گے۔ تاہم بی کیٹیگری کے کھلاڑیوں کے معاوضے میں کوئی اضافہ نہیں کیا گیا۔ یاد رہے کہ گزشتہ سال اے کیٹیگری میں بابر اعظم اور محمد رضوان شامل تھے۔
تازہ ترین خبروں کے لیے پی این آئی کا فیس بک پیج فالو کریں
