لاہور: قومی کرکٹرز کے سینٹرل کنٹریکٹس 2025-26 کے معاملے پر بڑے پیمانے پر ردوبدل متوقع نہیں ہے۔
ذرائع کے مطابق کوچز، ڈائریکٹر ہائی پرفارمنس، فنانس اور انٹرنیشنل ڈپارٹمنٹس کے درمیان سینٹرل کنٹریکٹ سے متعلق مشاورت آخری مرحلے میں داخل ہو چکی ہے۔ چیئرمین پی سی بی محسن نقوی کی منظوری کے بعد اعلان کیا جائے گا۔ یہ موجودہ تین سالہ فنانشل ماڈل کا آخری سال ہوگا۔
اطلاعات کے مطابق سب سے زیادہ تبدیلی ڈی کیٹیگری میں متوقع ہے، جہاں کئی کھلاڑیوں کی چھٹی اور نئے ناموں کی شمولیت یقینی سمجھی جا رہی ہے۔ حسن نواز، محمد حارث، صفیان مقیم، حسن علی، فہیم اشرف اور فخر زمان کے شامل ہونے کا امکان ہے۔ حسین طلعت، خوشدل شاہ، محمد نواز اور صاحبزادہ فرحان کے ناموں پر بھی غور جاری ہے۔ دوسری جانب عامر جمال، محمد حریرہ، حسیب اللہ عثمان خان اور محمد علی کا کنٹریکٹ میں شامل ہونا مشکل دکھائی دیتا ہے۔
تازہ ترین خبروں کے لیے پی این آئی کا فیس بک پیج فالو کریں
