پاکستان کرکٹ بورڈ (پی سی بی) نے 2025-26 کے لیے خواتین کرکٹرز کو سینٹرل کنٹریکٹس جاری کر دیے ہیں، جن میں مجموعی طور پر 20 کھلاڑیوں کو 5 مختلف کیٹیگریز میں شامل کیا گیا ہے۔ اس بار نوجوان ٹیلنٹ کو مواقع دینے کے لیے پہلی مرتبہ “ایمرجنگ کیٹیگری” متعارف کرائی گئی ہے۔
ابھرتی ہوئی کرکٹرز ایمان فاطمہ اور شوال ذوالفقار کو ایمرجنگ کیٹیگری میں شامل کیا گیا ہے، جب کہ تمام کیٹیگریز میں شامل کھلاڑیوں کے معاوضے میں 50 فیصد اضافہ کر دیا گیا ہے۔ آئی سی سی ٹی ٹوئنٹی رینکنگ میں نمبر ون بولر سعدیہ اقبال، فاطمہ ثناء، منیبہ علی اور سدرہ امین کو کیٹیگری اے میں شامل کیا گیا ہے۔ کیٹیگری بی میں عالیہ ریاض، ڈیانا بیگ اور نشرا سندھو شامل ہیں، جبکہ کیٹیگری سی میں رمین شمیم کو کنٹریکٹ دیا گیا ہے۔
کیٹیگری ڈی میں گل فیروزہ، نجیہ علوی، ناتالیہ پرویز، عمائمہ سہیل، صدف شمس، سدرہ نواز، عروب شاہ، طوبیٰ حسن، ام ہانی اور وحیدہ اختر کو شامل کیا گیا ہے۔
تازہ ترین خبروں کے لیے پی این آئی کا فیس بک پیج فالو کریں
