کراچی (پی این آئی)قومی ٹیم کی شرمناک کارکردگی کے باعث ٹی ٹوینٹی ورلڈکپ میں سفر اختتام پذیر ہو چکا ہے جس پر سابق کپتان شاہد آفریدی نے بابراعظم کو کڑی تنقید کا نشانہ بنا ڈالا ہے ۔
تفصیلات کے مطابق سابق کپتان شاہد آفریدی کا کہنا ہے کہ ایونٹ سے قبل ناکامیوں کے باوجود بابر اعظم کو کپتانی دی گئی۔سیلیکشن کمیٹی سے متعلق شاہد آفریدی نے تنقید کرتے ہوئے سوال کیا کہ کمیٹی نے بابر اعظم کو کپتان کیوں بنایا؟ شاہد خان آفریدی کیا اپنے یوٹیوب چینل پر تبصرہ کرتے ہوئے کہنا تھا کہ بابر کو دوسری مرتبہ کپتانی لینے کے فیصلے پر نظر ڈالنی چاہیے تھی اور کپتانی نہیں لینی چاہیے تھی۔سابق کپتان کا کہنا تھا کہ اگر کپتان اچھا ہو تو شکست سے دوچار ٹیم کو بھی جتوا سکتا ہے، بابر 5 سے 6 ایونٹس میں کپتانی کر چکے ہیں۔جبکہ مشورہ دیتے ہوئے بابر اعظم سے متعلق شاہد آفریدی کا کہنا تھا کہ بابر بلے باز کے طور پر اچھی کارکردگی دکھا رے ہیں، انہیں ویرات کوہلی کی طرح میچ ونر بننا چاہیے۔
