دبئی: آئی سی سی نے ٹی ٹوئنٹی پلیئرز کی تازہ ترین رینکنگ جاری کر دی ہے جس میں پاکستان کے صاحبزادہ فرحان نے دوسری پوزیشن حاصل کر لی ہے۔
صاحبزادہ فرحان نے ٹی ٹوئنٹی ورلڈ کپ میں 383 رنز بنا کر رینکنگ میں نمایاں چھلانگ لگائی ہے۔ بھارتی بیٹر ابھیشیک شرما بدستور پہلے نمبر پر براجمان ہیں تاہم ان کی برتری صرف 26 پوائنٹس رہ گئی ہے۔ بھارت کے ایشان کشن چوتھے اور تلک ورما چھٹے نمبر پر پہنچ گئے ہیں۔ زمبابوے کے برائن بینیٹ چھ درجے ترقی کے بعد گیارہویں نمبر پر آ گئے ہیں۔
بولرز کی رینکنگ میں ورون چکرورتی کی برتری کم ہو کر 18 پوائنٹس رہ گئی ہے۔ پاکستان کے ابرار احمد تیسرے نمبر پر موجود ہیں جبکہ جسپریت بمراہ ساتویں اور ارشدیپ سنگھ 13ویں پوزیشن پر پہنچ گئے ہیں۔
آل راؤنڈرز کی رینکنگ میں زمبابوے کے سکندر رضا بدستور پہلے نمبر پر براجمان ہیں۔ ہاردک پانڈیا ترقی کے بعد دوسرے نمبر پر آ گئے ہیں۔ صائم ایوب ایک درجہ تنزلی کے بعد تیسرے نمبر پر چلے گئے جبکہ محمد نواز ایک درجہ ترقی کے بعد آٹھویں پوزیشن پر آ گئے ہیں۔
تازہ ترین خبروں کے لیے پی این آئی کا فیس بک پیج فالو کریں
