پی سی بی نے پی ایس ایل کی دو نئی ٹیموں کی نیلامی کے لیے تکنیکی جائزہ مکمل کر لیا
پاکستان کرکٹ بورڈ نے پاکستان سپر لیگ میں شامل ہونے والی دو نئی ٹیموں کی فروخت کے لیے تکنیکی جانچ پڑتال کا مرحلہ مکمل کر لیا ہے۔ پی سی بی کے مطابق دنیا بھر سے موصول ہونے والی 12 بولیوں میں سے 10 کو تکنیکی معیار پر پورا اترنے والا قرار دیا گیا ہے۔
یہ تمام اہل پارٹیاں اب نیلامی کے اگلے مرحلے میں حصہ لینے کی مجاز ہوں گی۔ نئی فرنچائزز کی نیلامی 8 جنوری 2026 کو اسلام آباد کے جناح کنونشن سینٹر میں منعقد کی جائے گی۔ کامیاب بولی دہندگان راولپنڈی، حیدرآباد، فیصل آباد، گلگت، مظفرآباد اور سیالکوٹ میں سے اپنی ٹیم کے لیے شہر کا انتخاب کر سکیں گے۔
پی ایس ایل کے چیف ایگزیکٹو آفیسر سلمان نصیر نے اہل قرار پانے والے بولی دہندگان کو مبارکباد دیتے ہوئے کہا کہ لیگ میں توسیع کے عمل میں مقامی اور غیرملکی سرمایہ کاروں کی بھرپور دلچسپی حوصلہ افزا ہے۔ انہوں نے کہا کہ پی ایس ایل ایک اہم سنگ میل کی طرف بڑھ رہی ہے اور ٹیموں کی نیلامی سے متعلق مزید تفصیلات جلد سامنے لائی جائیں گی۔
تازہ ترین خبروں کے لیے پی این آئی کا فیس بک پیج فالو کریں
