سابق پاکستان کرکٹ ٹیم کے کپتان سرفراز احمد کو پاکستان انڈر 19 ٹیم کا منیجر اور مینٹور مقرر کر دیا گیا ہے۔
پاکستان کرکٹ بورڈ نے اے سی سی انڈر 19 ایشیا کپ کے لیے قومی اسکواڈ کا اعلان کیا ہے جس میں سرفراز احمد ٹیم کے ہمراہ دبئی کا سفر کریں گے۔ انڈر 19 ایشیا کپ 12 سے 21 دسمبر تک دبئی میں کھیلا جائے گا، جس میں فرحان یوسف ٹیم کی قیادت کریں گے جبکہ عثمان خان نائب کپتان ہوں گے۔
ٹیم کے دیگر کھلاڑیوں میں عبدالسبحان، احمد حسین، علی حسن بلوچ، علی رضا، دانیال علی خان، حمزہ ظہور اور حذیفہ احسن شامل ہیں۔ مزید کھلاڑیوں میں مومن قمر، محمد حذیفہ، محمد صیّام، محمد شایان، نقاب شفیق اور سمیر منہاس بھی اسکواڈ کا حصہ ہیں۔
تازہ ترین خبروں کے لیے پی این آئی کا فیس بک پیج فالو کریں
