ایشیا کپ 2025 کی متوقع تاریخوں کا اعلان سامنے آ گیا ہے۔ ذرائع کے مطابق یہ ایونٹ متحدہ عرب امارات میں 5 ستمبر سے 21 ستمبر تک منعقد ہوگا۔
ایونٹ کے تمام مقابلے دبئی اور ابوظبی کے اسٹیڈیمز میں کھیلے جائیں گے۔ ایشین کرکٹ کونسل (اے سی سی) کے سالانہ اجلاس، جو اس وقت ڈھاکا میں جاری ہے، میں اس ٹورنامنٹ سے متعلق کئی اہم فیصلے کیے جا رہے ہیں۔
ذرائع کے مطابق ایشیا کپ 2025 میں مجموعی طور پر 8 ٹیمیں حصہ لیں گی، جن میں پاکستان، بھارت، سری لنکا، بنگلہ دیش اور افغانستان کے ساتھ ساتھ متحدہ عرب امارات، عمان اور ہانگ کانگ بھی شامل ہوں گے۔
ایونٹ کی حتمی میزبانی اور مکمل شیڈول کا باضابطہ اعلان اے سی سی کے اجلاس کے بعد متوقع ہے۔ کرکٹ شائقین کے لیے یہ ٹورنامنٹ خاصی دلچسپی کا باعث ہوگا، کیونکہ اس میں روایتی حریفوں کے ساتھ ساتھ ابھرتی ہوئی ایسوسی ایٹ ٹیمیں بھی میدان میں اتریں گی۔
تازہ ترین خبروں کے لیے پی این آئی کا فیس بک پیج فالو کریں
