پاکستان سپر لیگ کے 10ویں سیزن کے لیے کمنٹری پینل کا اعلان ہوگیا۔ایچ بی ایل پی ایس ایل میں پہلی بار مکمل اردو کمنٹری بھی ہوگی ، اردو کمنٹری پینل میں طارق سعید، علی یونس، عقیل ثمر، مرینہ اقبال اور سلمان بٹ شامل ہیں۔
اس کے علاوہ انگریزی کمنٹری کے لیے انگلینڈ کے سابق کپتان سرالیسٹرکک پہلی بارپی ایس ایل کمنٹری پینل کا حصہ ہوں گے۔رمیز راجہ، وسیم اکرم، وقار یونس اور عامرسہیل بھی پی ایس ایل میں کمنٹری کریں گے، آسٹریلیا کی ویمن کرکٹر لیزا اسٹالکر بھی پہلی بارپی ایس ایل میں کمنٹری کریں گی۔
اس کے علاوہ بازید خان، عروج ممتاز، اطہر علی خان، مارٹن گپٹل، مارک نکولس، ڈومینک کارک، جے پی ڈومینی، مائیک ہیزمین بھی کمنٹری پینل میں شامل ہیں۔ایرن ہالینڈ اورزینب عباس میچوں کے دوران پریزینٹرز ہوں گی۔
واضح رہے کہ پی ایس ایل 10کے میچز 11 اپریل سے 18 مئی تک لاہور،کراچی،راولپنڈی اورملتان میں ہوں گے۔
تازہ ترین خبروں کے لیے پی این آئی کا فیس بک پیج فالو کریں
