چیمپئنز ٹرافی 2025 کا آفیشل ترانہ جاری کر دیا گیا، جس نے شائقینِ کرکٹ میں نئی روح پھونک دی ہے ۔
آئی سی سی نے اپنے سوشل میڈیا پلیٹ فارم پر چیمپئنز ٹرافی کا آفیشل ترانہ جاری کردیا ہے، اس ترانے کو پاکستانی گلوکار عاطف اسلم نے بے حد جوشیلے انداز میں گایا ہے۔ اس ترانے کو ’جیتو بازی کھیل کے‘ کا نام دیا گیا ہے، جسے سوشل میڈیا پر بے حد پسند کیا جارہا ہے. انٹرنیٹ صارفین کی جانب سے عاطف اسلم کی آواز میں ریلیز ہونے والے چیمپئنز ٹرافی کے آفیشل ترانے کو زبردست قرار دیا جا رہا ہے۔
گانے کی ویڈیو میں چیمپئنز ٹرافی میں شریک تمام ٹیموں کے جھنڈے بھی دکھائے گئے ہیں، اس ترانے کو بھارت اور بنگلادیش میں بھی بے حد پسند کیا گیا ہے . سوشل میڈیا صارفین اپنے کومنٹس کے ذریعے چیمپئنز ٹرافی کے لیے اپنی محبت اور جذبے کا اظہار کررہے ہیں۔
یاد رہے کہ آئی سی سی چیمئنز ٹرافی 19 فروری سے پاکستان میں شیڈول ہے جو بھارتی ٹیم کے پاکستان نہ آنے کی وجہ سے ہائبرڈ ماڈل کے تحت کھیلی جائے گی، بھارتی ٹیم کے تمام میچز متحدہ عرب امارات میں ہوں گے۔
تازہ ترین خبروں کے لیے پی این آئی کا فیس بک پیج فالو کریں
