لاہور(پی این آئی) پاکستان کرکٹ بورڈ( پی سی بی) نے آئی سی سی چیمپئنز ٹرافی کیلئے مزید ٹکٹس ریلیز کرنے کا فیصلہ کیا ہے۔
نجی ٹی وی جیو نیوز نے ذرائع سے دعویٰ کیا ہے کہ عوام کی دلچسپی دیکھتے ہوئے چیمپئنز ٹرافی کے چار میچز کی مزید ٹکٹیں جمعرات سے فینز کو دستیاب ہوں گی۔ذرائع کا کہنا ہے کہ پاکستان بمقابلہ نیوزی لینڈ، پاکستان بمقابلہ بنگلادیش، آسٹریلیا بمقابلہ انگلینڈ اور دوسرے سیمی فائنل کے مزید ٹکٹس جاری ہوں گے ۔ذرائع کے مطابق پاکستان اور بنگلا دیش کے میچ کے مزید 2 ہزار ٹکٹس ریلیز ہوں گے جبکہ دیگر میچز کے 5، 5 ہزار ٹکٹس ریلیز ہوں گے۔یہ ٹکٹس آن لائن بھی حاصل کیے جاسکتے اور نجی کوریئر سروس کے دفتر پر بھی دستیاب ہوں گے۔پاکستان کرکٹ بورڈ نے یہ فیصلہ ایونٹس میں فینز کی دلچسپی کو مدنظر رکھتے ہوئے کیا ہے۔
واضح رہے کہ پاکستان چیمپئنز ٹرافی میں اپنا پہلا میچ 19 فروری کو نیوزی لینڈ کے خلاف کراچی میں کھیلے گا۔
تازہ ترین خبروں کے لیے پی این آئی کا فیس بک پیج فالو کریں
