آسٹریلیا کیخلاف دوسرے ون ڈے کیلئے پاکستان کی پلیئنگ الیون سامنے آگئی

ایڈیلیڈ (پی این آئی) ایڈیلیڈ میں تین میچوں کی سیریز کے دوسرے میچ میں میزبان ٹیم کا سامنا کرتے ہوئے پاکستان آسٹریلیا کو شکست دینے کی کوشش کرے گا۔

سیریز کو زندہ رکھنے کے لیے مہمان ٹیم کا یہ میچ جیتنا ضروری ہے، اس لیے ٹیم انتظامیہ اس لائن اپ کے ساتھ چھیڑ چھاڑ کرنے کا امکان نہیں ہے جس نے انھیں ابتدائی مقابلے میں تقریباً جیت سے ہمکنار کروا دیا تھا۔بتایا جا رہا ہے کہ پاکستان دوسرے میچ میں ایک ماہر سپنر کو کھیلے گا کیونکہ ایڈیلیڈ کی وکٹ کی صلاحیت کو دیکھتے ہوئے کھیل میں بعد میں لو بائونس رہنے اور سپنرز کے لیے ٹرن کی صلاحیت ہے۔ آسٹریلیا نے ابتدائی کھیل میں اسی فارمولے کا استعمال کیا جس میں ایڈم زمپا نے بابر اعظم کو واپس بھیجنے میں اہم کردار ادا کیا جو پیسرز کے خلاف اعتماد سے کھیلتے نظر آئے تھے۔

ممکنہ پلیئنگ الیون صائم ایوب، عبداللہ شفیق، کامران غلام، بابر اعظم، محمد رضوان (کپتان و وکٹ کیپر)، سلمان علی آغا (نائب کپتان)، عرفات منہاس، شاہین آفریدی ،نسیم شاہ، محمد حسنین ، حارث رؤف پر مشتمل ہوگی ۔ ایڈیلیڈ میں پاکستان نے 28 سال سے کوئی فتح حاصل نہیں ہے، قومی ٹیم کو اس گراؤنڈ میں آخری جیت 1996ء میں وسیم اکرم کی قیادت میں ملی تھی۔ اس گراؤنڈ پر کھیلے گئے 8 میچز میں قومی ٹیم محض ایک فتح حاصل کرنے میں کامیاب ہوسکی ہے۔ ایڈیلیڈ کے گراؤنڈ پر پاکستان نے 12 رنز سے فتح حاصل کی تھی جس میں ثقلین مشتاق نے 5 وکٹیں لے کر جیت میں اہم کردار ادا کیا تھا۔ تین میچز کی سیریز میں آسٹریلیا کو 0-1 کی برتری حاصل ہے۔