بابر اعظم نے ویرات کوہلی کا ایک اور ریکارڈ توڑ دیا

ویب ڈیسک(پی این آئی)پاکستان کے وائٹ بال کے کپتان بابر اعظم نے کلونٹرف کرکٹ کلب، ڈبلن میں آئرلینڈ کے خلاف میچ کے دوران T20I میں سب سے زیادہ 50 پلس سکور بنانے کا ہندوستان کے ویرات کوہلی کا ریکارڈ توڑ دیا ہے۔

29 سالہ بابر اعظم نے اب 110 اننگز کھیل کر 39 مرتبہ 50 سے زیادہ رنز بنائے ہیں۔ ٹی ٹونٹی کرکٹ میں سب سے زیادہ 50+ سکور بنانے والے کھلاڑیوں میں روہت شرما 143 اننگز میں 34 ففٹیز سکور کرکے دوسرے، محمد رضوان 81 اننگز میں 27 نصف سنچریاں بنا کر تیسرے جب کہ ڈیوڈ وارنر 103 اننگز میں 27 ففٹیز بنا کر چوتھے نمبر پر ہیں ۔بابر اعظم کو حال ہی میں پاکستان کے وائٹ بال کپتان کے طور پر دوبارہ مقرر کیا گیا تھا اور وہ آئرلینڈ کے خلاف T20I سیریز میں گرین شرٹس کی قیادت کر رہے ہیں۔ انہوں نے اب آسٹریلیا کے سابق کپتان ایرون فنچ کا ریکارڈ توڑتے ہوئے T20Is میں بطور کپتان سب سے زیادہ میچ کھیلے ہیں۔ واضح رہے کہ تین ٹی ٹوئنٹی میچز پر مشتمل سیریز کے آخری میچ میں آئرلینڈ نے پاکستان کو جیت کے لیے 179 رنز کا ہدف دیا ہے۔