کراچی(پی این آئی)قومی ٹیم کو بڑا دھچکا، سکواڈ کے ایک اہم رکن کو آئرلینڈ کا ویزہ جاری نہ ہوسکا۔۔۔ پاکستانی ٹیم کل علی الصبح ڈیڑھ بجے آئرلینڈ اور انگلینڈ کے دورے کے لیے روانہ ہونے والی ہے لیکن سکواڈ کے ایک اہم رکن محمد عامر ان کے ساتھ نہیں ہوں گے۔ آئرلینڈ کے ویزے کے حصول میں تاخیر کے باعث فاسٹ بولر کی روانگی ملتوی کر دی گئی ہے۔پاکستان کرکٹ بورڈ (پی سی بی) پر امید ہے کہ عامر جلد ہی اپنا ویزا حاصل کر لیں گے۔
عامر کے ویزے میں تاخیر ممکنہ طور پر 2010 میں اسپاٹ فکسنگ میں ان کے سابقہ ملوث ہونے سے پیدا ہونے والے خدشات سے منسلک ہے جس کی وجہ سے انہیں برطانیہ میں ایک مختصر جیل کی سزا سنائی گئی تھی۔یہ پہلا موقع نہیں جب عامر کو ویزا میں تاخیر کا سامنا کرنا پڑا۔ اسی طرح کی صورتحال 2018 میں پاکستان کے پچھلے دورہ آئرلینڈ اور انگلینڈ کے دوران ہوئی تھی جس کے نتیجے میں وہ بعد میں ٹیم میں شامل ہوئے تھے۔۔۔۔۔
تازہ ترین خبروں کے لیے پی این آئی کا فیس بک پیج فالو کریں
