بابراعظم کا اپنی شادی کی خبروں پر ردِعمل آگیا

اسلام آباد (پی این آئی) قومی ٹیم کے وائٹ بال کپتان بابراعظم نے شادی کی منصوبہ بندی کے حوالے سے تردید کردی اور کہاکہ فی الحال شادی کا کوئی پلان نہیں۔

بھارت میں کھیلے گئے آئی سی سی ون ڈے ورلڈکپ 2023میں افغانستان کیخلاف شکست کا بہت افسوس تھا، ساری رات سو نہیں سکا تھا۔ پشاور زلمی کو دیئے گئے انٹرویو میں کپتان بابراعظم نے کہا کہ کیرئیر کے ابتدائی دنوں میں منصور رانا، اعجاز احمد اور علی ضیا نے بہت مدد کی۔انہوں نے کہا کہ ورلڈکپ 2023کے دوران بھارت کے شہر حیدرآباد میں جو استقبال ملا وہ حیراکن تھا، اس کی توقع نہیں کررہا تھا تاہم میگا ایونٹ میں کمزور حریف افغانستان کے خلاف میچ ہارنے پر بہت دکھ ہوا تھا، اس رات سو نہیں سکا تھا۔کپتانی سے متعلق سوال پر بابرارعظم نے موقف اپنایا کہ یہ ایک ذمہ داری ہے کوشش ہوتی ہے سب کو ساتھ لیکر چلوں، بیٹنگ کو قیادت کے فرائض سے الگ رکھتا ہوں۔

ٹی20ورلڈکپ 2024سے متعلق اپنے عزائم کا ذکر کرتے ہوئے بابراعظم نے کہا کہ انشااللہ میگا ایونٹ جیتیں گے، پاکستان کے بعد دوسری پسندیدہ ٹیم نیوزی لینڈ ہے جبکہ کین ولیمسن کی کورڈرائیو پسند ہے اور انٹرنیشنل کرکٹ میں پیٹ کمنز سب سے مشکل بولر ہیں۔بھارت میں خریدی گئی شیروانی سے متعلق سوال پر انہوں نے کہا کہ یہ درست خبر نہیں تھی اور فی الحال شادی کا کوئی پلان نہیں ہے۔