سڈنی ٹیسٹ،آسٹریلیا سے شکست کیوں ہوئی؟ کپتان شان مسعود کااہم بیان سامنے آگیا

سڈنی (پی این آئی ) ٹیسٹ کپتان شان مسعود نے کہا کہ قومی ٹیم نے ٹیسٹ میچ کے دوران جیت کے کئی مواقع ضائع کیے، آسٹریلیا وکٹوں کی تلاش میں تھا، ہم انہیں بار بار مواقع دیتے رہے۔

سیریز ہارنے کے بعد میڈیا سے گفتگو کرتے ہوئے ٹیسٹ کپتان شان مسعود نے تسلیم کیا کہ آسٹریلیا نے ملنے والے موقعوں کا بھرپور فائدہ اٹھایا۔ انہوں نے ٹیم کی بلے بازی کی کارکردگی کے بارے میں بات کرتے ہوئے کہا کہ انہیں 200 سے زیادہ کے سکور کے ہدف کی توقع تھی، محمد رضوان نے سب سے زیادہ سکور کیا لیکن اس سیریز میں کوئی بھی 200 سے زیادہ رنز نہیں بنا سکا۔

ان کاکہناتھاکہ ٹیم میں بہتری آسکتی تھی، مواقع سے فائدہ اٹھاسکتے تھے، اگلا ٹیسٹ میچ کھیلنے کے لیے 10 ماہ کا وقت ہے اس دوران ہم مزید محنت اور غلطیوں سے سیکھنے کی کوشش کریں گے۔ یاد رہے کہ سڈنی میں کھیلا گیا آخری ٹیسٹ میچ میزبان ٹیم نے 8 وکٹوں سے اپنے نام کیا تھا، جبکہ پرتھ ٹیسٹ میں آسٹریلیا 360 اور میلرن ٹیسٹ میں 70 رنز سے کامیابی اپنے نام کی تھی۔ پاکستان کو آسٹریلیا میں لگاتار 17ویں ٹیسٹ میچ میں شکست ہوئی، قومی ٹیم 1995 کے بعد سے آسٹریلیا میں کوئی ٹیسٹ میچ نہیں جیت سکی۔