کرکٹر رضوان نے کپتان بابر اعظم سے تاج چھین لیا

لندن (پی این آئی) پاکستان کے کرکٹ کھلاڑی رضوان نے اپنے ہی کپتان بابر اعظم سے تاج چھین لیا، محمد رضوان کپتان بابر اعظم کو پیچھے چھوڑتے ہوئے T20 کے ٹاپ بلے باز بن گئے ہیں۔ میڈیکل رپورٹس کے مطابق انٹرنیشنل کرکٹ کونسل نے کرکٹ کے کھلاڑیوں کی نئی عالمی رینکنگ جاری کر دی ہے، پاکستان کے کرکٹ کھلاڑی رضوان نے اپنے ہی کپتان بابر اعظم سے تاج چھین لیا ہے۔ آئی سی سی کی جاری کردہ رینکنگ میں پاکستانی بلے بازوں کا راج برقرار ہے،

محمد رضوان کپتان بابر اعظم کو پیچھے چھوڑتے ہوئے T20 کے ٹاپ بلے باز بن گئے ہیں۔ایک ہزار دن سے زیادہ رینکنگ پر راج کرنے والے پاکستانی کپتان جاری ایشیا کپ میں ناقص کارکردگی کی وجہ سے 794 پوائنٹس کے ساتھ دوسرے نمبر پر آ گئے ہیں، رضوان تین میچوں میں 192 رنز بنا کر سرفہرست ہیں جبکہ بابر نے ٹورنامنٹ کے دوران صرف 33 رنز بنائے ہیں۔محمد رضوان بابر اعظم اور مصباح الحق کے بعد 20 رینکنگ چارٹ میں سرفہرست ہونے والے تیسرے پاکستانی بلے باز ہیں،

بابر اپنے کیریئر میں 7 ستمبر تک 1155 دن تک ٹی 20 بیٹنگ چارٹ میں سرفہرست رہے۔ آئی سی سی رینکنگ کے مطابق ساؤتھ افریقہ کے ایڈن مارکرام 792 پوائنٹس کے ساتھ تیسری پوزیشن جبکہ بھارت کے سوریا کمار یادیو 775 پوائنٹس کے ساتھ چوتھے نمبر پر ہیں۔۔۔۔